YeChL chorakfinal va yarimfinaliga qur’a tashlandi

Bugun, 15 mart kuni UYeFAning Shveytsariyadagi qarorgohida Chempionlar ligasi 2023/2024 mavsumi chorak va yarimfinal bosqichlari uchun qur’a tashlash marosimi o‘tkazildi.

Qur’a asosiy favoritlar sanalgan «Real» va «Manchester Siti»ni chorakfinaldayoq o‘zaro raqib qildi, shuningdek, «Arsenal» — «Bavariya», «Atletiko» — «Borussiya» D hamda «PSJ» — «Barselona» juftliklari hosil qilingan.

Shuningdek, jamoalar yarimfinaldagi ehtimoliy raqiblarini ham bilib olishdi.

1/2 final juftliklari:

• «Atletiko» / «Borussiya» Dortmund – «PSJ» / «Barselona»
• «Arsenal» / «Bavariya» – «Real» / «Manchester Siti»

Chorakfinalning dastlabki uchrashuvlari 9-10 aprel, javob o‘yinlari esa 16-17 aprel kunlari bo‘lib o‘tadi. Yarimfinal bahslari esa 30 aprel va 1 may, javob bahslari 7-8 may kunlariga belgilangan.