Rossiya floti kemalari besh kundan beri Qora dengizga chiqmayapti
«Sergey Kotov» yo‘qotilganidan so‘ng, Rossiya kemalari Qora dengizga chiqmayapti, Ukraina tashabbusni o‘z qo‘liga oldi, deya da’vo qilmoqda Ukraina qurolli kuchlari.

Foto: Telegram/ VentdeCrimee/AFP
Ukraina qurolli kuchlarining da’vo qilishicha, Rossiya harbiy kemalari «Sergey Kotov» patrul korveti yo‘qotilganidan keyin ketma-ket beshinchi kun Qora dengizda jangovar navbatchilikka chiqmayapti. Ukraina qurolli kuchlari bosh shtabi ma’lumotlariga ko‘ra, 10 mart kungi holatga ko‘ra, Qora dengizda Rossiya harbiy-dengiz kuchlarining birorta ham kemasi yo‘q edi. Shu bilan birga, Ukraina harbiylariga ko‘ra, Rossiyaning uchta harbiy kemasi O‘rta Yer dengizida, yana biri Azov dengizida bo‘lib turibdi.
Bir kun avval Ukraina janubi mudofaa kuchlari qo‘mondonligi matbuot xizmati Rossiya floti Qora dengizda to‘rt kundan beri jangovar navbatchilik qilmayotganini, raketa tashuvchilar esa 20 kundan beri o‘z bazasida qolayotganini ma’lum qilgan edi.
UQK: Ukraina Qora dengizdagi tashabbusni o‘z qo‘liga oldi
Ukraina qurolli kuchlari harbiy-dengiz kuchlari vakili Dmitriy Pletenchuk telemarofonda ta’kidlaganidek, Qrim portlaridagi Rossiya kemalari soni minimal darajaga qisqartirilgan – faqatgina Novorossiysk, Sochi va Tuapsedagi bazada joy qolmagan kemalargina turibdi, lekin ular dengizga chiqmayapti. «U yerda (Qrimda) ular uchun unchalik qimmatli bo‘lmagan va hozir unchalik foydali bo‘lmagan aktivlar qolmoqda», — deya qo‘shimcha qildi u.
Avvalroq Pletenchuk Qora dengizdagi tashabbusni Ukraina o‘z qo‘liga olganini aytgandi. «Jangovar operatsiyalarni o‘tkazish uchun o‘z shartlarimizni qo‘yish imkoniyati mavjud. Endi biz muvaffaqiyatga erishmoqdamiz, lekin ishlashni davom ettirishimiz kerak», - dedi Ukraina harbiy-dengiz kuchlari vakili.
«GUR»: dengiz dronlari «Sergey Kotov» kemasini yo‘q qildi
5 martga o‘tar kechasi Ukraina mudofaa vazirligi bosh razvedka boshqarmasi Kerch bo‘g‘ozi yaqinida Rossiya Qora dengiz flotining «Sergey Kotov» patrul kemasi cho‘kib ketgani haqida xabar berdi. Idora ma’lumotlariga ko‘ra, Magura V5 dengiz dronlari uning orqa tomoni va ikkala bortiga zarar yetkazgan.
Tavsiya etamiz
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13 / 18.06.2025
Klublar o‘rtasidagi JChda ko‘pchilikka notanish bo‘lgan 11 iste’dod. Kimlar turnir kashfiyoti bo‘lishi mumkin?
Sport | 20:34 / 18.06.2025
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
So‘nggi yangiliklar
-
O‘zbekiston Rossiya bilan katta AES masalasida bitim imzoladi
O‘zbekiston | 19:45
-
Prezident Ko‘kdala tumani markazidagi bunyodkorlik ishlari bilan tanishdi
O‘zbekiston | 19:16
-
O‘monda tutqunlikda saqlangan ayol va uning farzandlari O‘zbekistonga qaytarildi
Jahon | 19:12
-
Kichik va o‘rta biznes uchun uskunalar ko‘rgazmasi
Jamiyat | 19:00
Mavzuga oid

14:56
Kreml: Ukraina bilan halok bo‘lganlar va asirlarni almashish bo‘yicha o‘zaro tushunish yo‘q

11:39
Latviya Rossiya va Belarus fuqarolariga ko‘chmas mulk sotib olishni taqiqladi

11:09
Nabiullina: Rossiya iqtisodiy o‘sishi uchun ko‘plab resurslar tugadi

09:54