Xorazmdagi maktablardan birida o‘qituvchi boshlang‘ich sinf o‘quvchilarini kaltakladi
Holat Xonqa tumanidagi 36-maktabda sodir bo‘lgan. O‘qituvchi dastlab bolaning boshiga qo‘l va daftar aralash tarsakilar solib, keyin o‘quvchi qizni do‘pposlab ketgan. Vaziyat MMTB tomonidan o‘rganilmoqda. Bosh prokuratura tergovga qadar tekshiruv olib borilayotganini, sudga oid tibbiy ekspertizasi tayinlanganini ma’lum qildi.

Foto: Videodan kadr
29 fevral kuni tarmoqlarda Xorazmdagi maktablardan birining maktab o‘qituvchisi boshlang‘ich sinfda o‘qiydigan o‘g‘il va qiz bolalarni do‘pposlagani aks etgan video tarqaldi. Unda dars o‘tib turgan xodim dastlab bolaning boshiga qo‘li va daftari bilan tarsakilar solgan.
Keyin esa yonida turgan qizaloqdan savol so‘rab, daftarni ko‘rsatgan va siltab, yuziga urib tashlagan. Shu zaylda 50 soniya davomida qizaloqqa baqirib, uni kaltaklagan. O‘qituvchi 30 soniya dars o‘tib tin olgach, keyin qizchani yana siltay boshlagan.
Holat yuzasidan Xorazm viloyati maktabgacha va maktab ta’limi boshqarmasi munosabat bildirdi. Unga ko‘ra, bu vaziyat Xonqa tumanidagi 36-maktabda yuzaga kelgan.
“Videolavhada aks etgan holat yuzasidan vakolatli tashkilotlar hamkorligida o‘rganish ishlari olib borilmoqda. O‘rganish natijalari yuzasidan batafsil ma’lumot berilishini ma’lum qilamiz”, – deyiladi rasmiy xabarda.
Bosh prokuratura matbuot kotibi Hayot Shamsutdinov esa bu maktabda sodir bo‘lgan hodisa yuzasidan ichki ishlar organlari tomonidan tergovga qadar tekshiruv harakatlari o‘tkazilayotganini ma’lum qildi.
Qayd etilishicha, tekshiruv doirasida o‘quvchilarda tan jarohatlarini aniqlash maqsadida sudga oid tibbiy ekspertizasi tayinlangan. Tekshiruv harakatlari Xorazm viloyati prokuraturasi tomonidan nazoratga olingan.
Tavsiya etamiz
“O‘rgimchak to‘ri”: Ukraina qo‘lidagi kartalardan birini ochdi
Jahon | 21:12 / 04.06.2025
Dunyoda faqat bir mamlakat o‘zini oziq-ovqat bilan to‘liq ta’minlashi ma’lum bo‘ldi
Jahon | 18:47 / 04.06.2025
Islandiya sobiq prezidenti milliy bog‘ga gid bo‘lib ishga joylashdi
Jahon | 21:25 / 03.06.2025
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
So‘nggi yangiliklar
-
«Missiya yakunlandi». «Vagner» XHK Malidan ketishini e’lon qildi
Jahon | 20:33
-
Shomurodov o‘ynaydigan «Roma»ga yangi bosh murabbiy tayinlandi
Sport | 20:32
-
Qozog‘iston harbiylari Buyuk Britaniyada tayyorgarlikdan o‘tadi
Jahon | 20:14
-
Tramp Germaniyaga Rossiya gazi o‘rniga amerikanikini taklif qildi
Jahon | 19:40
Mavzuga oid

16:24 / 28.05.2025
Akademik Azimboy Sa’dullayev 78 yoshida vafot etdi

19:26 / 26.05.2025
Andijonda tanishlari orqali 100 ming dollar kredit olib berishni va’da qilgan shaxs ushlandi

19:54 / 23.05.2025
«Harbiylarning aloqasi yo‘q». Mudofaa vazirligi Xorazmda metallolomga topshirilgan snaryad bo‘yicha ma’lumot berdi

17:29 / 23.05.2025