Kuchli shamol Surxondaryoda qurilayotgan quyosh elektr stansiyasining panellarini qulatdi
Hodisa Sherobod tumanida xorijiy investitsiya hisobidan qurilayotgan quyosh fotoelektr stansiyasi obektida sodir bo‘lgan.
Ijtimoiy tarmoqlarda Sherobod tumanida barpo etilayotgan quyosh fotoelektr stansiyasida kuchli shamol tufayli quyosh panellariga zarar yetgani haqida xabarlar va video tarqaldi.
Videoda oyoq ostiga qulab tushib, yaroqsiz holga kelgan ko‘plab quyosh panellarini ko‘rish mumkin.
Energetika vazirligi matbuot xizmatining xabar berishicha, holat 2024 yil 28 yanvar kuni yuz bergan. Fotoelektr stansiyasi hududida sodir bo‘lgan kuchli shamol tufayli hali to‘liq o‘rnatilmagan quyosh panellarining 91 donasi yerga tushib ketgan.
Hozirgi vaqtda ularning texnik holati o‘rganilmoqda va yaroqli panellarni o‘rnatish ishlari ketmoqda.
Ma’lum qilinishicha, loyiha doirasida 1 millionga yaqin quyosh panellarining o‘rnatilishi ko‘zda tutilgan. Qurilish jarayoniga ikki mingdan ortiq mahalliy aholi jalb etilgan.
Qurilish jarayonida quyosh panellarining yaroqsiz holatga kelishi mumkinligi e’tiborga olingan bo‘lib, qo‘shimcha quyosh panellari zaxira sifatida olib kelingan.
“Aytish kerakki, mazkur loyiha BAAning “Masdar” kompaniyasi tomonidan 100 foiz xorijiy investitsiyalar hisobiga amalga oshirilmoqda va unga O‘zbekiston tomonidan hech qanday mablag‘ ajratilmagan. Mahalliy jamoatchilik faollaridan ijtimoiy tarmoqlarda noto‘g‘ri va tasdiqlanmagan ma’lumotlarni tarqatmasliklarini iltimos qilamiz”, deyiladi xabarda.
Tavsiya etamiz
“O‘rgimchak to‘ri”: Ukraina qo‘lidagi kartalardan birini ochdi
Jahon | 21:12 / 04.06.2025
Dunyoda faqat bir mamlakat o‘zini oziq-ovqat bilan to‘liq ta’minlashi ma’lum bo‘ldi
Jahon | 18:47 / 04.06.2025
Islandiya sobiq prezidenti milliy bog‘ga gid bo‘lib ishga joylashdi
Jahon | 21:25 / 03.06.2025
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
So‘nggi yangiliklar
-
Ukrainaning Rossiya aerodromlariga kutilmagan hujumlari urushda burilish nuqtasi bo‘ladimi?
Jahon | 20:53
-
«Missiya yakunlandi». «Vagner» XHK Malidan ketishini e’lon qildi
Jahon | 20:33
-
Shomurodov o‘ynaydigan «Roma»ga yangi bosh murabbiy tayinlandi
Sport | 20:32
-
Qozog‘iston harbiylari Buyuk Britaniyada tayyorgarlikdan o‘tadi
Jahon | 20:14
Mavzuga oid

19:06 / 03.06.2025
Qatldan qochganlar: mustaqil O‘zbekiston tarixidagi eng shov-shuvli qamoqdan qochish ishi

19:09 / 30.05.2025
Sariosiyo aeroporti 30 yildan so‘ng faoliyatini tikladi

11:58 / 24.05.2025
Surxondaryoda giyohvandlik vositasini 20 ming dollarga sotishga uringan shaxslar ushlandi

09:12 / 22.05.2025