O‘zbekiston va Gurjiston Transkaspiy xalqaro transport yo‘lagi bo‘ylab yuk tashish masalasini muhokama qildi

O‘zbekiston tashqi ishlar vaziri Baxtiyor Saidov Nyu-York shahrida Gurjiston tashqi ishlar vaziri Ilya Darchiashvili bilan muzokaralar o‘tkazdi.

«Gurjiston tashqi ishlar vaziri Ilya Darchiashvili janoblari bilan bo‘lgan muzokaralarimiz chog‘ida O‘zbekiston-Gurjiston munosabatlari ijobiy sur’atlarda rivojlanayotganini qayd etdik hamda sherikligimizni barcha yo‘nalishlarda, ayniqsa, iqtisodiy diplomatiya sohasida yanada kengaytirish zarurligini ta’kidladik», - deb yozdi O‘zbekiston TIV rahbari o‘zining telegram-kanalida. 

Bo‘lajak yuqori darajadagi almashinuvlar, Transkaspiy xalqaro transport yo‘lagi bo‘ylab yuklarni tashish va boshqa masalalar uchrashuv kun tartibidan o‘rin oldi.