Xivada 7-10 sentabr kunlari ilk marotaba xalqaro etnosport festivali o‘tkaziladi

Xiva shahridagi «Ichan Qal’a» majmuasida 7-10 sentabr kunlari ilk marotaba xalqaro etnosport festivali tashkil etiladi.

Festivalning tantanali ochilish marosimi joriy yilning 8 sentabr kuni soat 19:00 da o‘tkaziladi.

Xalqaro etnosport festivali doirasida:

Butunjahon etnosport konfederatsiyasi bilan hamkorlikda etnosport turlarini rivojlantirish va yanada ommalashtirish bo‘yicha forum;

hududlardan kelgan mohir oshpazlar ishtirokida ikki bo‘limdan iborat osh pishirish musobaqasi;

mamlakatda yetishtirilgan sara qovunlardan iborat qovun sayli;

xalq milliy madaniyati va urf-odatlarini namoyon qiluvchi hunarmandchilik mahsulotlari hamda san’at asarlaridan ko‘rgazmali maydonchalar;

3 ta jahon chempionati (bahodirlar o‘yini va tosh ko‘tarish, mas-restling, o‘zbek jang san’ati);

belbog‘li kurash bo‘yicha xalqaro turnir;

6 ta sport turlari bo‘yicha (turon yakkakurashi, kurashi, bel olish va uch kurashi, ot sporti turlari, kamondan otish va qushlar ovi) bo‘yicha ko‘rgazmali chiqishlar;

12 ta milliy xalq o‘yinlari bo‘yicha ko‘rgazmali o‘yinlar tashkil etiladi.

Tadbirda xorijiy davlatlardan jami 1884 nafar, shundan 928 nafar xorijiy, 956 nafar mahalliy mehmonlarning ishtiroki kutilmoqda.