Islom sivilizatsiyasi markazi 52 mingta qadimgi yozma manbalar ma’lumot bazasini yaratdi

Axborot va ommaviy kommunikatsiyalar agentligida Islom sivilizatsiyasi markazi rahbariyati ishtirokida matbuot anjumani o‘tkazildi, deb xabar bermoqda «Dunyo».

Islom dini merosini saqlash, manbashunoslik va qo‘lyozmalar bilan ishlash bo‘yicha Respublika fondlarida saqlanayotgan 52 ming 255 ta (shundan 21 ming 670 ta qo‘lyozma, 30 ming 585 ta toshbosma) qadimgi yozma manbalar to‘g‘risidagi ma’lumotlar bazasi yaratilgan.

Ilmiy ahamiyatga ega bo‘lgan 11 ta yozma manba tarjima qilindi va chop etishga tayyorlandi. Qur’oni karim bo‘limi ekspozitsiyasi uchun Qur’oni karimning 28 ta nodir qo‘lyozmasidan iborat kolleksiya shakllantirildi.

Qatar milliy kutubxonasidan 2 ming 635 ta foto-hujjat, qo‘lyozmalar, arxiv hujjatlari, Turkiya olimlari qo‘lyozmalar kolleksiyasining ma’lumotlar bazasidan 70 mingdan ortiq, AQSh kongressi kutubxonasidan 558 ta qo‘lyozma va foto-hujjatlar, «TurkTAV» fondidan 20 mingdan ziyod noyob kitoblar, Misr davlatidagi «Al-Azhar» majmuasidan Alisher Navoiyga oid 5 dona, Kamoliddin Behzodga oid 6 dona elektron manbalar olindi.

#islom #manba