O‘zbekiston ishchilarni ish joyida kasbiy xavf-xatardan himoyalash to‘g‘risidagi konvensiyani ratifikatsiya qiladi

Hujjatga ko‘ra, O‘zbekiston 1992 yildan buyon BMT va Xalqaro mehnat tashkilotining to‘la huquqli a’zosi hisoblanadi.

XMTning 148-sonli konvensiyasi maqsadi milliy qonunchilik yoki qoidalar orqali ish joylarida havo ifloslanishi, shovqin va tebranish bilan chaqiriluvchi kasbiy xavf-xatarlardan ogohlantirish va ularni cheklashga, hamda ushbu xatarlardan himoyalanishga yo‘naltirilgan choralar qabul qilinishi zarurligini belgilaydi.

148-sonli konvensiya ratifikatsiya qilinishi:

• milliy qonunchilikni yanada takomillashtirishga, xususan Xalqaro mehnat tashkiloti hujjatlarida belgilangan, ish joyida havo ifloslanishi, shovqin va tebranish tufayli vujudga keladigan kasbiy xavf-xatarlar oldini olish, aniqlash va bartaraf etish borasidagi xalqaro standartlarni samarali joriy etishga xizmat qiladi;
• xalqaro va mintaqaviy tashkilotlar bilan munosabatlarda O‘zbekiston ijobiy imijini shakllantirishga yordam beradi;
• Birlashgan millatlar tashkiloti konvensiyalarini nazorat qilish organlari, Xalqaro mehnat tashkiloti konvensiyalari va tavsiyalarini qo‘llash bo‘yicha ekspertlar qo‘mitasi hamda Xalqaro mehnat tashkiloti boshqa tuzilmalari tomonidan respublikaga nisbatan tanqidiy fikrlar bildirilmasligiga sabab bo‘ladi;  
• O‘zbekistonning kelgusida xalqaro va mintaqaviy tashkilotlar, shu jumladan Jahon savdo tashkilotiga integratsiyalashuvi uchun sharoit yaratilishi hamda preferensiyalar umumiy tizimi doirasida Yevropa ittifoqi bilan hamkorlikni yanada rivojlantirilishini ta’minlaydi.