Toshkent shahar issiqlik ta’minoti xususiy sherikka berildi
Vazirlar Mahkamasi qarori bilan «Veolia Energy Tashkent» kompaniyasiga Toshkent shahri markazlashtirilgan issiqlik ta’minoti tizimini ekspluatatsiya qilish, texnik xizmat ko‘rsatish va boshqarish vazifalari yuklatilgan.

2022 yil 1 iyuldan «Veolia Energy Tashkent» ilgari «Toshissiqquvvati» DUK boshqaruvida bo‘lgan barcha faoliyat turlarini amalga oshirishni boshladi.
2021 yil 29-30 sentabr kunlari Toshkentda bo‘lib o‘tgan «O‘zbekiston iqtisodiy forumi» doirasida Moliya vazirligi, Toshkent shahri hokimiyati va «Veolia Energy Tashkent» o‘rtasida davlat tomonidan qo‘llab-quvvatlash bitimi imzolangan edi.
Unga ko‘ra, Toshkent shahar issiqlik ta’minoti davlat-xususiy sheriklik shartlari asosida Fransiyaning «Veolia» kompaniyasiga 30 yil muddatga boshqaruvga berildi. Dastlabki 2 yilda «Veolia» pilot loyiha sifatida Bektemir va Sergeli tumanlaridagi 118 ta ko‘p qavatli uy va 43 ta ijtimoiy soha obekti issiqlik tizimlarini modernizatsiya qiladi.
Pilot loyiha doirasida «Veolia» kompaniyasining 15 mln yevro investitsiyasi hisobiga 13,5 mingta issiqlik va 153 mingta issiq suv o‘lchagichlarini o‘rnatish, 142 ta avtotransport, 451 ta texnika va 1 ta mobil qozonxonani xarid qilish, 1 142 ta issiqlik stansiyasini o‘rnatish va rekonstruksiya qilish, 22,3 gkal/s quvvatli lokal qozonlarni modernizatsiya qilish, 53,4 km issiqlik tarmoqlarini rekonstruksiya qilish ko‘zda tutilmoqda.
Loyiha amal qilish davrida xususiy sherik tomonidan jami 181 ta inshoot va qozonxonani modernizatsiya qilish, 575,6 km issiqlik tarmoqlarini qurish, 841,1 km tarmoqlarni rekonstruksiya qilish, 51,5 ming dona issiqlik va 2 464,6 ming dona issiq suv o‘lchagichlarni o‘rnatish, shuningdek, 391 ta maxsus texnika (avtomashinalar) xarid qilinadi.
Mazkur ishlarni moliyalashtirishga xususiy sherik tomonidan 362 mln yevro (shundan, 20 mln yevro to‘g‘ridan to‘g‘ri investitsiya, 342 mln yevro loyihadan olinadigan foydasi hisobidan) va 982 mln yevro iste’molchilardan olinadigan to‘lov mablag‘lari hisobidan jalb qilinadi.
Tariflar keskin oshib ketishining oldini olish maqsadida aholiga pasaytirilgan tariflarni qo‘llash va ko‘riladigan zararlarni qoplash uchun Toshkent shahar budjetidan 2021-2027 yillarda 8,4 trln so‘m subsidiya ajratiladi.
Tavsiya etamiz
“O‘rgimchak to‘ri”: Ukraina qo‘lidagi kartalardan birini ochdi
Jahon | 21:12 / 04.06.2025
Dunyoda faqat bir mamlakat o‘zini oziq-ovqat bilan to‘liq ta’minlashi ma’lum bo‘ldi
Jahon | 18:47 / 04.06.2025
Islandiya sobiq prezidenti milliy bog‘ga gid bo‘lib ishga joylashdi
Jahon | 21:25 / 03.06.2025
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
So‘nggi yangiliklar
-
Toshkent metropoliteni 6 iyun kuni soat 3:00 dan 10:00 gacha bepul ishlaydi
O‘zbekiston | 15:34
-
O‘zbekiston–Qirg‘iziston–Xitoy–Mo‘g‘uliston yo‘lagida birinchi marta yuk tashildi
Iqtisodiyot | 15:32
-
IndiGo aviakompaniyasi Mumbaydan Toshkentga qatnovlarni yo‘lga qo‘yadi
O‘zbekiston | 15:28
-
«Sensiz men bo‘lmasdim...» – futbolimizdagi eng muhim kun
Sport | 15:04
Mavzuga oid

15:34
Toshkent metropoliteni 6 iyun kuni soat 3:00 dan 10:00 gacha bepul ishlaydi

22:38 / 03.06.2025
Bo‘rijar kanalidagi voqea qahramonlari “Jasorat” medali bilan taqdirlandi

17:32 / 03.06.2025
Qurbon hayiti kuni poytaxtda jamoat transporti soat 03:00 dan ish boshlaydi

19:29 / 31.05.2025