Qoʻshimcha funksionallar
-
Tungi ko‘rinish
Asakadagi fermer xo‘jaligi binosidan topilgan 3 ta jasad: tafsilotlar
Andijon viloyati Asaka tumani Chek mahalla fuqarolar yig‘inida joylashgan “Asaka zotli chorva” fermer xo‘jaligi binosida 3 kishining jasadi topiladi. Taxminlarga ko‘ra, ular is gazidan zaharlanib vafot etgan.

Guvohlarning ta’kidlashicha, 13 fevral kuni issiqxonada ishlash uchun chiqqan qo‘shnilar tunga borib, kabobxo‘rlik qilishni maqsad qilishadi. Fermer xo‘jaligi binosi oldida kaboblarni tayyorlab, sovuq qotishgach, bino ichiga isinish maqsadida kirishadi. Qo‘lbola usulda sandal tayyorlashadi va ko‘mir cho‘g‘idan foydalanishadi.
14 fevral kuni turmush o‘rtog‘i kelavermaganidan xavotir olgan Xadichaxon aya fermer xo‘jaligi binosiga yetib boradi. Bino ichida esa turmush o‘rtog‘i Muhammadrayim Hakimov va ikki nafar qo‘shnilarining jasadini ko‘radi.
“Hech qachon kechasi boshqa joyda qolmasdi. Tuni bilan kelavermagach, tongda oldiga chiqdim. Borib chaqirdim. Hech kim javob bermadi. Eshikni taqillatsam ham jimjitlik. Keyin eshikni ochib qarasam, turmush o‘rtog‘im va ikki nafar qo‘shnimizning jasadi yotardi. Uyimizda ham ko‘mir ishlatmaganmiz umuman”, - deydi Xadichaxon aya biz bilan suhbatda.
Xadichaxon ayaning baqirib yig‘laganini eshitgan o‘sha atrofdagi fuqarolar voqea joyiga kelishadi. Birozdan so‘ng esa favqulodda vaziyatlar bo‘limi va boshqa mutasaddilar yetib keladi.
“Ayol kishining yig‘lagan ovozini eshitib tushdik. Qarasak, shu yerda ishlab yuradigan uch nafar fuqaroning jasadini ko‘rdik”, - deydi guvohlardan biri.
Favqulodda vaziyatlar bo‘limi mutaxassisining ta’kidlashicha, hozirda tergovga qadar tekshiruv harakatlari olib borilmoqda.
FVB Asaka tuman bo‘limi inspektori Dadamurod Mamanazarov holat yuzasidan izoh berdi. Uning ta’kidlashicha, “14 fevral kuni taxminan soat 10:30 da Asaka tumani favqulodda vaziyatlar bo‘limi navbatchilik qismiga is gazi bilan zaharlanish holati bo‘yicha xabar kelib tushdi. Tezkor guruh bilan borganimizda “Chek” MFYda joylashgan “Asaka zotli chorva” fermer xo‘jaligi binosida 3 kishining jasadini topdik. Marhumlarning vafot etganligi yuzasidan sud-tibbiy ekspertizasi tayinlangan”.
Hozirda mazkur holat yuzasidan prokuratura tomonidan tergovga qadar tekshiruv harakatlari olib borilmoqda.
Abduvali Qurbonov, Kun.uz muxbiri
Tasvirchi va montaj ustasi: Azizbek Ismoilov
Tavsiya etamiz
Navoiyni kimlar zaharlayapti? – ekologiya vaziri izoh berdi
O‘zbekiston | 11:23 / 25.07.2025
Ishdagi ishqning yakuni: selektorda “qo‘lga tushgan” amaldor ishdan olindi
O‘zbekiston | 10:42 / 25.07.2025
Fransiya Falastin davlatini tan oladi - Makron
Jahon | 09:46 / 25.07.2025
Nihoyat: kelayotgan haftada salqin havo oqimi kirib kelishi kutilmoqda
O‘zbekiston | 20:03 / 24.07.2025
So‘nggi yangiliklar
-
“Iqtisodni xalq salomatligidan ustun qo‘yishmasin” – zaharlanayotgan navoiyliklar haqida suhbat
Jamiyat | 16:21
-
Hafta davomida harorat o‘zgarishsiz qolishi kutilmoqda
O‘zbekiston | 16:15
-
Toshkent aeroporti qarshisidagi ko‘prik rekonstruksiyasining qiymati ma’lum bo‘ldi
O‘zbekiston | 16:13
-
Namanganda ikki o‘smir kanalda cho‘kib ketdi
O‘zbekiston | 15:15
Mavzuga oid

14:48 / 26.07.2025
Xonoboddagi festivalga sarflanayotgan milliardlar: Viloyat hokimligi izoh berdi, Antikorrupsiya agentligi o‘rganish o‘tkazadi

10:28 / 23.07.2025
Andijonda ayolga nisbatan tazyiq va zo‘ravonlik sodir etgan do‘kon egasi ushlandi

11:50 / 14.07.2025
Gazballonlarini noqonuniy saqlab, mashinalarga quyib sotayotgan xonadon aniqlandi

10:16 / 10.07.2025