O‘zbekiston | 15:00 / 25.12.2021
34829
2 daqiqa o‘qiladi

“Ular o‘ziga chet ellarda uylar qurishdi, O‘zbekistonda qurmadi-ku” - Prezident neft-gaz va tog‘-kon sohasining oldingi rahbarlari haqida gapirdi

"Uzbekistan GTL” zavodining ochilish marosimida ishtirok etgan Shavkat Mirziyoyev zavod qurilishida ham, kelgusida uning faoliyatida ham mahalliy mutaxassislar ishlashiga e’tibor qaratdi.

Foto: Prezident matbuot xizmati

“Bu zavodlar rahbarlariga e’tibor bering, yosh, o‘zimizning qorako‘z yigitlar. Mana shunday bitta to‘g‘ri qadam iqtisodiyotni barqaror qiladi. Meni juda xursand qilayotgani 3-4 milliard AQSh dollariga teng majmuani yosh-yosh, 40 ga kirmagan qorako‘zlarimiz ishga tushiryapti, boshqaryapti. 

"Uzbekistan GTL” bosh direktori Faxriddin Abdurasulov, “Sho‘rtan gaz-kimyo majmuasi” direktori Shuhrat Aslanovlarni men chet ellarda o‘qitib keldim. Nafaqat rahbarlarning, balki oddiy ishchilarning ham shu vatanga xizmat qilaman deb, ko‘zlari yonib turibdi.

25 yil bizda qanaqa vaziyat bo‘ldi? Kimlarni bu sohaga rahbar qildik, u rahbarlar nimalar qilishdi? Hammasi o‘ziga chet ellarda uylar qurishdi, O‘zbekistonda qurmadi-ku! Bolasini O‘zbekistonda o‘qitmadi-ku! O‘zimizning qorako‘zlar shu yurt kelajagini o‘z kelajagi deb bilishadi”, – deya davlat rahbarining so‘zlaridan iqtibos keltirmoqda Kun.uz muxbiri.

Mavzuga oid