Qoʻshimcha funksionallar
-
Tungi ko‘rinish
Apple kapitallashuvi 3 trillion dollarga yetish arafasida turibdi
Apple korporatsiyasining kapitallashuvi 3 trln dollarga yaqinlashib qoldi. Kompaniya o‘z bozor qiymati 2 trln dollardan oshgandan bor-yo‘g‘i bir yil o‘tib bunga erisha oldi.
Foto: EPA
Ayni vaqtda kompaniya kapitallashuvi 2,87 trln dollarni tashkil qilmoqda va bu mutlaq rekord hisoblanadi. Taqqoslash uchun aytish mumkinki, Fransiyaning 2020 yilgi yalpi ichki mahsuloti 2,6 trln dollarga yaqinni tashkil qilgan.
AQShdagi oxirgi birja savdolarida kompaniya aksiyalari 175,08 dollardan sotilgan. Apple 3 trln dollarlik chegaradan o‘tishi uchun aksiya narxi 182,85 dollarga ko‘tarilishi kifoya qiladi. Bu tez kunlarda yuz berishiga shubha yo‘q, chunki joriy yilda kompaniya aksiyalari 30 foizga, 2020 yilda esa 80 foizga qimmatlashgan.
“Apple haqiqatan ham kuchli brend bo‘lgani sababli jahon iqtisodiyotidagi tebranishlardan kuchliroq himoyalangan ko‘rinadi. U, shuningdek, kuchli yangi mahsulotlar qatoriga ega”, deb ta'kidlab o‘tgan Hargreaves Lansdown kompaniyasi yetakchi tahlilchisi Syuzanna Striter.
Mavzuga oid
20:55
Bloomberg: AirPods quloqchinlari suhbatni real vaqtda boshqa tilga tarjima qilish imkoniyatiga ega bo‘ladi
17:03 / 11.03.2025
Apple kompaniyasi iPhone, iPad va Mac interfeysiga katta o‘zgarishlar kiritmoqchi
19:09 / 10.03.2025
Apple eng kutilgan yangi mahsulotini chiqarishni kechiktirdi
20:49 / 05.03.2025