Toshkentda bir sutkada 70 kishida koronavirus aniqlandi

12 mart kuni O‘zbekistonda 89 kishida koronavirus aniqlandi. Bu haqda Sog‘liqni saqlash vazirligi matbuot xizmati xabar berdi. 

Yangi kasallanish holatlarining 4tasi Qoraqalpog‘iston Respublikasida, 3tasi Andijon, 1tasi Samarqand, 2tasi Xorazm, 9tasi Toshkent viloyatlarida va 70tasi Toshkent shahrida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.

“Kecha kun davomida Andijon viloyatida 7 nafar, Toshkent viloyatida 12 nafar, Toshkent shahrida 49 nafar bemor tuzalib, kasallikdan sog‘ayganlar jami 79145 nafarga yetdi va sog‘ayish ko‘rsatkichi 99 foizni tashkil qilmoqda”, deyiladi xabarda.

Ma'lumot berilishicha, respublikada koronavirus infeksiyasi qayd etilganlar soni 80481 nafarni tashkil etmoqda.

Ayni paytda tibbiyot muassasalarida davolanayotgan 714 nafar bemordan 148 nafari og‘ir, 27 nafari esa o‘ta og‘ir ahvoldaligi ma'lum qilingan.