Qoʻshimcha funksionallar
-
Tungi ko‘rinish
1 fevraldan tibbiyot xodimlarini ommaviy emlash jarayonlariga tayyorlash bo‘yicha mashg‘ulotlar o‘tkaziladi
O‘zbekistonda 2021 yilning 1 fevralidan tibbiyot xodimlarini ommaviy emlash jarayonlariga tayyorlash bo‘yicha mashg‘ulotlar o‘tkazish rejalashtirilmoqda. Bu haqda Sanitariya-epidemiologik osoyishtalik va jamoat salomatligi xizmatining Jamoatchilik bilan aloqalar bo‘limi xabar berdi.
Foto: Innovatsion rivojlanish vazirligi
Qayd etilishicha, koronavirus kasalligiga qarshi emlash jarayonini puxta rejalashtirish va tibbiyot xodimlarini maxsus “Xavfsiz immunizatsiya” shartlari bo‘yicha tayyorgarlikdan o‘tkazish bo‘yicha chora-tadbirlar ishlab chiqildi va vaksinatorlar ro‘yxati shakllantirildi.
“2021 yilning 1 fevralidan tibbiyot xodimlarini ommaviy emlash jarayonlariga tayyorlash bo‘yicha bilim saviyalarini oshirishga qaratilgan trening va seminar mashg‘ulotlari o‘tkazilishi rejalashtirildi”, - deyiladi ma'lumotda.
Bildirilishicha, Xitoyning “Ayhui Zhifei Longcom Biopharmaceutical” kompaniyasi tomonidan ishlab chiqilgan yangi koronavirus rekombinant vaksinaning xavfsizligi va COVID-19 infeksiyasi oldini olishdagi samaradorligini aniqlash maqsadida III faza klinik tadqiqotlari o‘tkazilishi rejalashtirilgan bo‘lib, 5000 nafar ko‘ngillilar orasida immunizatsiya tadbirlari o‘tkazilishi uchun vaksina olib kelingan.
Respublikaga 8 nafar xitoylik mutaxassislar tashrif buyurgan, bugungi kunda Innovatsion rivojlanish vazirligi bilan hamkorlikda 3-faza klinik bosqichi o‘tkazilmoqda.
Koronavirus O‘zbekistonda
Mavzuga oid
07:35 / 28.09.2023
O‘zbekistonda kimlar grippga qarshi bepul emlanishi ma’lum qilindi
19:07 / 19.07.2023
O‘zbekistonda qizamiq bilan xastalangan 50 nafar bemor aniqlandi – OAV
22:38 / 25.04.2023
Peterburgda mehnat migrantlari uchun qizamiqqa qarshi majburiy emlash joriy etildi
10:06 / 16.02.2023