Qoʻshimcha funksionallar
-
Tungi ko‘rinish
AQShda politsiya tomonidan yana bir afroamerikalik o‘ldirilgandan keyin noroziliklar boshlandi
AQShning Kolumbus shahrida politsiyachi qurolsiz afroamerikalik Andre Moris Xillni otib tashlagandan keyin mahalliy aholi tomonidan norozilik aksiyasi uyushtirildi.
Foto: Columbus Dispatch
Ma'lum qilinishicha, politsiyaga 47 yoshli afroamerikalikning qo‘shnilaridan biri qo‘ng‘iroq qilib, garajdan avtomobil dvigateli shovqini kelayotganini ma'lum qilgan. Politsiyachi voqea joyiga kelganda garajlardan birining eshigi ochiqligini ko‘rgan. U yerdan qora tanli kishi chiqib kelganda, politsiyachi bir necha metr ortga qadam tashlab, erkakka o‘q uzgan. Erkak voqea joyida halok bo‘lgan.
Voqea tergovi vaqtiga qadar politsiyachi vaqtincha o‘z lavozimidan chetlatilgan.
Xill o‘ldirilgan joyda namoyishchilar to‘plana boshlashgan.
AQShda may oxirida politsiya qo‘llagan zo‘ravonlik oqibatida afroamerikalik Jorj Floyd hayotdan ko‘z yumgandan keyin ommaviy noroziliklar boshlanib ketgandi. 26 oktyabrda Filadelfiyada yana bir qora tanli Uolter Uolles politsiyachilar qurboniga aylangandi va uning o‘limi yangi noroziliklarga olib kelgandi.
Mavzuga oid
18:24
Rossiya 30 kunlik otashkesimga rozi bo‘lmasa, qo‘shimcha sanksiyalarga duchor bo‘lishi mumkin
18:17
AQSh Ukraina bilan hududiy yon berish masalasini ham muhokama qilgani ma’lum bo‘ldi
17:27
Yevropa Ittifoqi AQSh yangi tariflariga javob choralarini qo‘lladi
13:01