Coca-Cola butun dunyo bo‘ylab 2,2 ming xodimini qisqartiradi

Coca-Cola kompaniyasi butun dunyo bo‘ylab 2200 xodimini, jumladan AQShdagi 1200 xodimini ishdan bo‘shatadi.   

The Wall Street Journal nashrining xabar berishicha, bo‘shatiladigan ishchilar kompaniyaning jami xodimlarining 12 foizini tashkil qiladi.

Kompaniyada ish o‘rinlarining qisqartirilishi yiliga 350 mln dollardan 550 mln dollargacha mablag‘ tejashga olib kelishi kutilmoqda. 

Avvalroq Coca-Cola o‘z biznesini qayta tashkillashtirish doirasida xodimlarini qisqartirishini e'lon qilgandi. Avgustda kompaniya AQShda, Puerto-Riko va Kanadada 4 minggacha xodimini qisqartirishni rejalashtirgan. Bundan tashqari, shunday choralar kompaniyaning boshqa davlatlardagi korxonalarida ham qabul qilinishi kutilgan. Shuningdek, kompaniya yozda bo‘linmalari sonini 17tadan 9tagacha qisqartirmoqchi bo‘lgandi.