Bill Geyts AQShda koronavirusga olinayotgan tahlillarning aksariyatini befoyda deb atadi

Geytsning ta'kidlashicha, AQShda tahlillar olinishi va ularning natijalari berilishi orasidagi vaqt o‘rtacha 48 soatdan ko‘proqni tashkil qilmoqda. “Bunday tahlil vaqt va mablag‘ning to‘liq yo‘qotilishi hisoblanadi. Biz ko‘plab tahlillar o‘tkazayotganimiz haqidagi ma'lumotlarning katta qismi behuda gaplar hisoblanadi”, deb aytgan Geyts. 

Telekanalning baholashicha, AQShdagi laboratoriyalarga katta yuklama tushayotgani sababli, ular odamlarga koronavirusga topshirgan tahlillari natijalarini bir necha kun, hafta yoki undan ko‘proq vaqtdan keyin ma'lum qilmoqda. “Biror kishi natijalarini 3 yoki 7 kundan ko‘proq vaqt kutishga to‘g‘ri keladigan test uchun 1 dollar ham  to‘lamasligi kerak”, deb ta'kidlab o‘tgan milliarder. Uning ta'kidlashicha, bunday yondashuvda odamlar virusga chalinganliklaridan juda kech xabar topishadi, tegishli choralar ko‘rishmaydi va virusni tarqatishda davom etishadi.

Bill Geyts va uning rafiqasi Melinda 50 mlrd dollarga yaqin mablag‘ga ega xayriya jamg‘armasiga ega bo‘lib, ushbu jamg‘arma faoliyatining asosiy yo‘nalishlaridan biriga rivojlanayotgan davlatlarda xavfli kasalliklarga qarshi kurashish, AQShda ta'lim va sog‘liqni saqlash sohalaridagi dasturlar kiradi. Ayni vaqtda ushbu jamg‘arma orqali koronavirusga qarshi vaksinani ishlab chiqish va aholining eng nochor qatlamlarini pandemiya vaqtida qo‘llab-quvvatlashga 300 mln dollar ajratilgan.