Misrda do‘konlarni Muhammad Saloh niqobida tunagan to‘da qo‘lga tushdi

Misrda do‘konlarni futbolchi Muhammad Saloh niqobida talagan to‘da qo‘lga tushdi. Ushlanganlarning barchasi ishsiz bo‘lgan.

Bu haqda Goal.com nashri xabar berdi.

4 kishidan iborat jinoiy to‘da poytaxt Qohiradagi do‘konlardan birini tunash vaqtida hibsga olingan. E'tiborlisi, bosqinchlarning barchasi Saloh niqobida bo‘lgan.

Jinoyatchilar politsiya xodimlarini ko‘rib, avtomobilda qochishga urinish vaqtida qo‘lga olingan.

Ular yonidan metall kesish uchun qaychilar, bitta patron va to‘pponcha topilgan. Jinoyatchilar so‘roq vaqtida jinoiy to‘dani do‘konlarni talash maqsadida tashkil etishganini tan olishgan.

#Misr #Muhammad Saloh