O‘zbekistonning Avstriyadagi elchisi XAEA bosh direktori bilan uchrashdi

21 dekabrda O‘zbekistonning Avstriyadagi elchisi, Yevropada xavfsizlik va hamkorlik tashkilotidagi doimiy vakili Sherzod Asadov Xalqaro atom energiyasi agentligi (XAEA) bosh direktori vazifasini bajaruvchi Mixail Chudakovga O‘zbekistonning agentlikdagi doimiy vakili sifatida ishonch yorlig‘ini topshirdi.      

Ushbu marosimdan keyin o‘tgan muloqotda O‘zbekiston va XAEA o‘rtasidagi hamkorlikni rivojlantirishning istiqbolli yo‘nalishlari muhokama qilindi.

Chudakov XAEA O‘zbekistonda yuz berayotgan ijobiy o‘zgarishlar va jadal amalga oshirilayotgan islohotlar ortidan katta qiziqish bilan kuzayotganini ta'kidlab o‘tgan. Uning aytishicha, O‘zbekiston Prezidenti Shavkat Mirziyoyevning O‘zbekistonda Markaziy Osiyodagi ilk atom elektr stansiyasi qurish tashabbusi tahsinga sazovordir.

Chudakov O‘zbekiston delegatsiyasining XAEAning turli tadbirlarida faol ishtirok etishini ta'kidlab o‘tdi va Toshkentda oktabr-noyabr oylarida o‘zbekistonlik mutaxassislarning malakasini oshirishga qaratilgan ikkita seminarning samarali tashkillashtirilgani uchun minnatdorlik bildirdi. 

Tomonlar, shuningdek, qo‘shma loyihalarni amalga oshirishning amaliy jihatlarini ko‘rib chiqishdi. 

Ayni vaqtda XAEA O‘zbekistonda Fanlar akademiyasi, turli vazirliklar bilan 10 ta milliy loyihani muvaffaqiyatli amalga oshirmoqda va 2020-2021 yillarda Fanlar akademiyasi Yadro fizikasi instituti, “O‘zatom” agentligi, Sog‘liqni saqlash vazirligi, O‘zbekiston Milliy universiteti va Samarqand davlat universiteti bilan birgalikda  amalga oshirilishi taklif qilingan 4 ta loyiha ustida ish olib bormoqda. 

Mixail Chudakov uchrashuv so‘ngida O‘zbekiston ekologik harakatini bildiruvchi deputatlarni XAEAning Venadagi bosh qarorgohiga taklif qilgan.