Qoʻshimcha funksionallar
-
Tungi ko‘rinish
Tillersonning iste'fosiga aslida nima sabab bo‘lgani aytildi
Foto: Jonathan Ernst/Reuters
Shimoliy Koreya muammosiga yechim topishda AQSh prezidenti Donald Tramp hamda davlat kotibi Reks Tillerson o‘rtasidagi qarama-qarshilik Tillersonning iste'fosiga sabab bo‘lgan. Bu haqda Reuters vaziyatdan xabardor manbalarga asosan xabar qilmoqda.
Ta'kidlanishicha, Tillerson eng boshidan Pxenyan bilan muloqot tarafdori bo‘lgan bo‘lsa, Tramp KXDRga maksimal bosim o‘tkazish kampaniyasini davom ettirishni mo‘ljallagan.
Shu sababdan davlat rahbari davlat kotibi Pxenyanga juda ham yon bosayotganidan xavfsiray boshlagan, deya aytib o‘tishdi manbalar.
Tramp juma, 9 mart kuni Oq uy apparati boshlig‘i Jon Kelliga Tillersonni iste'foga chiqishga tayyorgarlik ko‘rish haqida ogohlantirish vazifasini topshirgan. Manba so‘zlariga ko‘ra, Kelli prezidentni bu fikrdan qaytarishga uringan, biroq Tramp Tillerson muntazam ravishda unga qarshi pozitsiyada turishidan «juda charchagan».
Eslatib o‘tamiz, 13 yanvar kuni Tramp tvitterdagi sahifasida Tillerson davlat kotibi lavozimini tark etish haqida xabar berdi. Prezident bu lavozimga MRB rahbari Mayk Pompeoni tayinlashga qaror qildi.
Mavzuga oid
22:24
Kreml Putin va Tramp uchrashuvi ehtimolini muhokama qilmoqda – OAV
18:24
Rossiya 30 kunlik otashkesimga rozi bo‘lmasa, qo‘shimcha sanksiyalarga duchor bo‘lishi mumkin
18:17
AQSh Ukraina bilan hududiy yon berish masalasini ham muhokama qilgani ma’lum bo‘ldi
17:27