Tramp 2018 yil uchun AQSh mudofaa byudjyetini imzoladi

AQSh prezidenti Donald Tramp AQShning 2018 yil uchun mudofaa byudjyetini imzoladi. Keyingi yil harbiy maqsadlar uchun deyarli 700 mlrd dollar sarflash ko‘zda tutilgan. Avvalroq hujjat kongressning ikki palatasi tomondan ma'qullangandi.

Pentagonning bazaviy byudjyeti 626 mlrd dollarni tashkil qiladi, yana 66 mlrd dollar AQShning xorijdagi operatsiyalarini qo‘llab-quvvatlashga sarflanadi. 

Jumladan, “Rossiyani bosib turish”ga qaratilgan AQShning Yevropadagi ittifoqdoshlari va NATOga a'zo davlatlarni qo‘llab-quvvatlash tashabbusi bo‘yicha 4,6 mlrd dollar ko‘zda tutilgan. Bu qiymatdan 100 mln dollari Boltiq davlatlarining mudofaa qobiliyatini oshirishga sarflanishi mumkin.

Qonun loyihasi Rossiya mudofaa vazirligi bilan hamkorlik qilishga taqiqlov muddatini uzaytiradi va Tramp zimmasiga Rossiya bilan Suriyadagi vaziyat bo‘yicha har qanday kelishuv bo‘yicha kongressga hisobot berish majburiyatini yuklaydi.

Ukrainaga harbiy yordam uchun 350 mln dollar ajratish taklif qilinmoqda. AQSh raketalarga qarshi mudofaa tizimiga 4,4 mlrd dollar sarflaydi. Hujjatda harbiylar ish haqlari oshirilishi ham ko‘zda tutilgan.