Bill Geyts Arizonada “aqlli shahar” yaratmoqchi

Microsoft asoschisi Bill Geytsning investitsion kompaniyalaridan biri Belmont Partners Arizona shtati poytaxti Finiksdan mashinada taxminan 45 daqiqalik masofa uzoqlikda joylashgan yer maydoni sotib oldi. Ushbu shartli joy Belmont deb ataladi.

Yer maydoni 10 ming gektarni tashkil qiladi va Belmont Partners firmasi hujjatlariga ko‘ra, bu kimsasiz yerda “aqlli shahar” barpo etilmoqchi. Yer Finiksni La-Vegas bilan bog‘lovchi trassa yaqinida joylashgan.

Belmont yuqori tezlikdagi raqamli tarmoqlar, ma'lumotlar markazlari, yangi ishlab chiqarish texnologiyalari va distributsiya modellari, avtonom transport va avtonom logistik xablar atrofida ishlab chiqilgan ilg‘or texnologiyalarni qo‘llovchi infratuzilma  va kommunikatsiyalardan iborat hamjamiyatni yaratadi, deb aytilgan Belmont Partners matbuot xizmatida. 

Yer maydonining oltidan bir qismi ofislar va tijorat muassasalariga, yigirmadan biri esa maktablarga ajratiladi. Hududda 80 mingga yaqin uy va kvartiralar barpo etish rejalashtirilmoqda. “Aqlli shahar” qurilishi qachon boshlanishi hozircha noma'lum.