O‘zbekiston terma jamoasi Toshkentga qaytib keldi

Germaniyaning Hamburg shahrida 24 avgustdan 3 sentabrga qadar davom etgan boks bo‘yicha jahon chempionatida ishtirok etgan O‘zbekiston terma jamoasi a'zolari bugun Toshkentga qaytib keldi.

Turnirda umumjamoa hisobida ikkinchi o‘rinni egallagan bokschilarimizni Toshkentda sportchilarning oila a'zolari, muxlislar va jurnalistlar kutib olishdi.

O‘zbekiston terma jamoasi 1ta oltin, 3ta kumush va 2ta bronza medal bilan umumjamoa hisobida Kubadan so‘ng 2-o‘rinni egallashdi. Bu esa tarixdagi eng yaxshi natija bo‘ldi.