Jamiyat | 07:54 / 14.01.2017
18793
2 daqiqa o‘qiladi

Argentinada jinoyatchilarga bankni tunash uchun yarim daqiqa kifoya qildi

Argentina poytaxti Buenos-Ayresdan 30 km uzoqlikda joylashgan Tigr shahridagi bank bo‘limi 4 nafar qurollangan jinoyatchi tomonidan 30 soniya ichida tunab ketildi. Todo Noticias telekanali ma'lum qilishicha, jinoyatchilar o‘zlari bilan 750 ming peso (47 ming dollar) olib ketishgan.   

Kuzatuv kameralaridan olingan videoyozuvda niqoblarda bo‘lgan ikki jinoyatchi Mercedes-Benz mashinasidan tushib, bankning oynavand eshigini bolg‘a bilan sindirishayotgani aks etgan. Bu paytda miltiqlar bilan qurollangan qolgan ikki jinoyatchi esa mashinada bo‘lgan. 14 soniyadan keyin jinoyatchilar bank binosidan banknomatlarga yuklanishi kerak bo‘lgan pullar bog‘lami bilan chiqib, avtomobilga o‘tirib g‘oyib bo‘lishgan.

O‘g‘rilikni amalga oshirish uchun 24 soniya ketgan. Yana 6 soniya jinoyatchilardan biriga mashina oldida tushib qolgan buyumni olish uchun ketgan. Telekanal ma'lumotlariga ko‘ra, jinoyatchilar o‘g‘rilik vaqtida birorta ham o‘q uzishmagan. 

Ayni vaqtda politsiya voqeani tergov qilmoqda. U bergan ma'lumotlarga ko‘ra, jinoyatchilar mashinani bankdan bir necha mavze uzoqlikda tashlab, boshqa mashinaga o‘tirib ketishgan. 

Video thumbnail
{Yii::t(}
O'tkazib yuborish 6s

Mavzuga oid