AQSh esminetsi Yaman yaqinida hafta davomida uchinchi marta o‘qqa tutildi

Foto: Reuters
AQSh Harbiy-dengiz kuchlarining USS Mason esminetsi Yaman qirg‘oqlari yaqinidagi xalqaro suvlarda suzib yurganida yana hujumga uchradi.
NBC telekanali ma'lumotiga ko‘ra, yakshanba kuni ertalab kemaga qarata raketa uchirilgan. Hujum oqibatida talofatlar yo‘q, raketa nishonga tegmagan. Uning uchirilish nuqtasi aniqlanmagan.
Dushanba kuni ilk marta Yamandan turib AQSh esminetsiga zarba berilgani ma'lum qilindi. Haftaning chorshanba kuni yana bir necha raketa kema turgan hududga kelib tushgan.
Amerikaliklar bu hujumlarda Yamandagi isyonchi kuchlar - husiychilarni aybladi. Husiychilar bu hujumlarga aloqador emasligini takrorladi, lekin AQSh qurolli kuchlari bu hujumlarga javob sifatida Yamandagi ba'zi nuqtalarni o‘qqa tutdi.
Keyinroq, Oq uy vakili Erik Shults yana hujum ro‘y bergudek bo‘lsa, AQSh Yaman bo‘ylab zarbalar berishini aytib o‘tdi.
Mavzuga oid

21:25 / 10.06.2025
Xitoyda raketa yordamida tovarlarni yetkazib berish texnologiyasi sinovdan o‘tkazildi

15:00 / 05.06.2025
Ispaniya Isroil bilan raketalar yetkazib berish bo‘yicha shartnomani to‘xtatdi

17:11 / 04.06.2025
To‘tiqush Avstraliyaning birinchi raketasi parvoziga to‘sqinlik qildi

09:43 / 28.05.2025