Uzcard Express банк хизматларидан фойдаланишни осонлаштиради

28 июн куни Фарғонада биринчи Uzcard Express хизмат кўрсатиш офиси очилди, у орқали банк карталарини очиш, POS-терминалларни харид қилиш, банкомат орқали нақд пул олиш, шунингдек, рақамли тўловлар бўйича маслаҳатлар олиш мумкин. Бу “unbanked” сегмент вакилларига тез, қулай ва банк филиалига бормасдан UZCARD экотизимига уланиш имконини берувчи тўлақонли инфратузилмани яратиш йўлидаги қадамдир.

Фото: Uzcard

Uzcard Express шунчаки савдо нуқтаси эмас, балки фойдаланувчи банк картасини олиши, уни фаоллаштириши, мавжуд хизматлар билан танишиши, бизнес учун терминални улаши ёки мутахассисга савол бериши мумкин бўлган ихчам марказдир. Бу ерда ҳамкор банкларнинг маҳсулотлари, терминал ускуналари ва ARCA, Smart Business (ex. UZKASSA) вa BTECH компанияларининг замонавий тўлов воситалари тақдим этилади.

Экспресс форматда сотувга қўйилган биринчи маҳсулот Moment картаси бўлди - бу тезкор эмиссия учун мўлжалланган банк маҳсулоти. Уни атиги 5 дақиқада олиш мумкин: идентификация ва фаоллаштириш ҳамкор банк иловаси, Universalbank орқали амалга оширилади. Келажакда нуқтадаги таклифлар доираси кенгайтирилади.

Экспресс формат маҳсулотни танлашда ёрдам беришга, фойдаланувчи билан маслаҳатлашишга ва барча босқичларда - сотиб олишдан тортиб то созлашгача ҳамроҳ бўлишга тайёр ўқитилган жамоанинг мавжудлигини назарда тутади. Нуқта банкомат, мультикиосклар ва тадбиркорлик субъектлари учун кўргазма майдони билан жиҳозланади.

Фарғона аҳоли зичлиги ва тез, қулай тўлов ечимларига бўлган талаби туфайли пилот ҳудуди сифатида танланди. Очилиш куни уланиш жараёнининг намойиши, UCMG тижорат директорининг нутқи ва лойиҳа жамоасининг маслаҳатлари билан ўтди.

Uzcard Express лойиҳаси тўлов инфратузилмасини ривожлантиришдаги янги қадам бўлиб, унда Uzcard ва ҳамкор банклар асосий молиявий хизматларни мижозга янада яқинроқ ва қулайроқ қилиш учун кучларини бирлаштиради. Ушбу формат нафақат молиявий хизматлардан фойдаланишни соддалаштиради, балки кичик ва микротадбиркорликнинг ривожланишини қўллаб-қувватлайди, нақд пулсиз ҳисоб-китобларга ўтишни рағбатлантиради. Ушбу ёндашув рақамли воситаларни кенг доирадаги фойдаланувчилар учун янада яқинроқ ва тушунарли қилади - банк билан боғланиш ёки тўғри ечимларни излашга вақт сарфланмайди.

Реклама ҳуқуқи асосида

#Uzcard