"Moody’s Ratings" халқаро рейтинг агентлиги "Ўзбекинвест" компанияси рейтинги прогнозини "Ba2" - "ижобий" даражагача кўтарди

"Ўзбекинвест" компанияси ҳозирги кунда "Moody’s Ratings" (АҚШ) агентлиги томонидан Bа2 даражасида молиявий барқарорлик рейтинги берилган Ўзбекистон банк-молия секторидаги ягона компаниядир.

Moody’s баёнотига кўра, компания фаолияти прогнозини “барқарор” даражасидан "ижобий" даражага кўтариш қуйидагиларга асосланади:

- компаниянинг Ўзбекистон суғурта бозоридаги мустаҳкам ўрни;

- операцион муҳитнинг кутилаётган яхшиланиши;

- юқори сифатли йирик инвестиция портфели;

- суғурта портфелида халқаро қайта суғурталаш бизнесининг сезиларли улуши;

- молиявий мослашувчанлиги ва активлар сифати;

- суғурта захираларининг юқори даражаси.

Рейтинг прогнозининг "ижобий" даражага кўтарилиши компаниянинг кредитга лаёқатлилик даражаси юқорилигини кўрсатади, бу эса унинг халқаро суғурта ва қайта суғурта бозорларидаги фаолиятини жадал кенгайтириш учун шароит яратади.

Шунингдек, таъкидлаш жоизки, 2025 йил май ойида суғурта компанияларига халқаро рейтингларни баҳолаш ва беришга ихтисослашган "A.M. Best Company Inc." халқаро рейтинг агентлиги томонидан компаниянинг молиявий барқарорлик рейтинги (FSR) "B" даражасида ва эмитентнинг узоқ муддатли кредит рейтинги (ICR) "bb" даражасида тасдиқланди, иккала рейтинг бўйича прогноз "барқарор" деб белгиланди.

Хусусан, "Ўзбекинвест" компанияси бугунги кунда республиканинг молия соҳасидаги "A.M. Best Company Inc." халқаро рейтинг агентлигидан ушбу даражадаги рейтингга эга бўлган ягона ташкилотдир.

Колл-марказ: (+998) 71−207−60−00, 1160

Сайт | Facebook | Instagram | Telegram | YouTube

Реклама ҳуқуқи асосида