Бухородаги хусусий боғчада икки яшар бола ток уришидан вафот этди

Фожиа боғча тарбиячиси болаларни қаровсиз қолдиргани оқибатида юз берган.

Фото: Getty images

Бухоро вилояти, Бухоро туманида жойлашган хусусий мактабгача таълим ташкилотида бахтсиз ҳодиса юз берди.

Бухоро вилояти прокуратураси хабарига кўра, 28 март куни 2 яшар бола электр токи уриши оқибатида вафот этган. Ҳолат юзасидан Жиноят кодексининг 116-моддаси 3-қисми билан иш қўзғатилган.

Дастлабки терговда аниқланишича, боғча тарбиячиси М.Д. тарбияланувчиларни қаровсиз қолдиргани оқибатида фожиа юз берган.

«М.Д. вазифасига ёши ва индивидуал хусусиятларини инобатга олган ҳолда болаларнинг ҳаёти ва саломатлигини муҳофаза қилиш, техника ва ёнғин хавфсизлиги қоидаларига риоя қилиш каби касбий мажбуриятлар кириши белгиланган бўлсада, ўз касбига нисбатан бепарво ҳамда ўз вазифаларини лозим даражада бажармагани ва ўзига бириктирилган гуруҳда тарбияланувчиларни қаровсиз қолдиргани аниқланди ҳамда натижасига кўра мазкур жиноят иши 18 июн куни мазмунан кўриш учун суд муҳокамасига юборилди», дейилади хабарда.

#Бухоро #боғча