Эрон ва ҳусийлар Исроилга зарбалар берди
Эрон–Исроил урушининг 4-куни бошланар экан, ҳар икки томон ҳам юзлаб дрон ва ракеталар билан зарба алмашмоқда. Эрон майдонда ёлғиз қолмади, Яман ҳусийлари ҳам озми-кўпми ракеталар билан Исроилни безовта қилиб туришибди. Афтидан Нетаняҳу Эронга паст баҳо берган кўринади, кўплаб тарқалган лавҳаларда Исроилнинг зарарланган ҳудудлари бамисоли Ғазодаги бинолардек кўриниш ҳосил қилган. Урушнинг дастлабки кунларидан фарқли равишда Эрон зарбалари натижасида Исроилда вайрон бўлган нишонлар сони кўпайган.

Исроил мудофаа кучлари Эрон томонидан Исроилга йўналтирилган 100 га яқин дронни муваффақиятли зарарсизлантирганини маълум қилди.
Шунингдек, Машҳаддаги Эрон авиациясига тегишли ёқилғи ташувчи самолёт Исроил томонидан нишонга олинган. Эрон томонидан Тел-Авив, Бат Ям, Тамра, Ҳаифа ва бошқа марказий исроил шаҳарларига ракета зарбалари берилди.
Бат Ямдаги зарарлардан 200 дан ортиқ киши жабрланган, кўплаб шаҳар иншоотлари вайрон қилинган. Икки томондан ҳам зарбалар давом этаётгани учун айни вақтда қанча одам ҳалок бўлганини аниқ айтиш қийин. Исроил F-35 ва F-15 қирувчи самолётлари орқали Теҳрон нефт базаси, Машҳаддаги ҳарбий ёқилғи омбори, Ҳамадон радар маркази ва Исфаҳон дрон базасига зарбалар берди. Эрон авиацияси логистик линиясига (ёқилғи ва дронларни етказиш занжири) разведка асосида режалаштирилган ҳужумлар уюштирилди. Аl Jazeera манбаларига кўра Эроннинг ҳужумлари Исроил элитаси ва олимларига қаратилган. Нетаняҳу кеча Fox newsʼга берган интервюсида Эрон разведка хизмати бошлиғи ва унинг ўринбосари ўлдирилганини даъво қилган. 15 июн куни бўлиши режалаштирилган Эрон–АҚШ ядро музокаралари тўхтатилган эди, Эрон ташқи ишлар вазири айтганидек, энди бу музокараларда маъни қолмади. АҚШ президенти Доналд Трамп Truth Social тармоғидаги баёнотида Эронга нисбатан жиддий огоҳлантириш берди. У агар Эрон АҚШга қарши ҳужум амалга оширса, АҚШ “илгари кузатилмаган даражада зарба” беришини билдирди. Шу билан бирга, Трамп АҚШ Исроилнинг ўтган кечадаги Эронга ҳужумига алоқадор эмаслигини таъкидлади: “Биз Эрон ва Исроил ўртасида осонликча келишувга эришиб, бу қонли низони тугатишимиз мумкин” деган у. Бугун тонгда АҚШ ҳарбий ҳаво кучларининг 20 дан ортиқ ҳавода ёқилғи қуювчи самолётлари Қўшма Штатлардаги базаларини тарк этиб, Европага йўл олди, балки сафар Яқин Шарқ саридир. Reuters манбаларига кўра Эрон Исроил ҳужумлари тугамагунича оташкесим бўйича музокараларга тайёр эмаслигини маълум қилди.
“Эронликлар Қатар ва Уммон воситачиларига шунчаки маълумот бериб қўйди: улар жиддий музокараларни фақат Исроилнинг профилактик ҳужумларига жавоб берилгандан кейин бошлашлари мумкин”, - деган манба.
Тавсия этамиз
АҚШда хатолик туфайли 400 йилга қамалган эркакка 1,7 млн доллар компенсация тўланди
Жаҳон | 23:34 / 04.07.2025
«Баъзилар учун геноцид даромадли» — БМТ эксперти бутун дунёни Исроил билан савдони тўхтатишга чақирди
Жаҳон | 18:56 / 04.07.2025
40 даража иссиқ: бунақа пайтда ходимлар қандай ҳуқуқларга эга?
Жамият | 17:15 / 03.07.2025
Иссиқдан қандай сақланиш керак? – ЖССТ тавсиялари
Ўзбекистон | 16:06 / 02.07.2025
Сўнгги янгиликлар
-
Суперлига. «Пахтакор» «Навбаҳор»ни мағлуб этди, «Динамо»—«Насаф» ўйини дуранг билан якунланди
Спорт | 23:58 / 06.07.2025
-
Покистонда 5 қаватли бино қулаб тушди. Қурбонлар бор
Жаҳон | 23:25 / 06.07.2025
-
Британия буюртмалар йўқлиги боис Eurofighter Typhoon қирувчиларини ишлаб чиқаришни тўхтатди
Жаҳон | 22:38 / 06.07.2025
-
Хитой Путиндан НАТОга ҳужум қилишни сўрайди — алянс бош котиби
Жаҳон | 22:07 / 06.07.2025
Мавзуга оид

16:07 / 06.07.2025
Яман ҳусийчилари Исроил пойтахти аэропортига ракета зарбасини берди

08:43 / 06.07.2025
Хоминаий Исроил билан уруш бошланганидан бери илк бор омма олдида кўриниш берди

09:40 / 05.07.2025
Исроилнинг Ғазога янги ҳужуми оқибатида 37 фаластинлик ҳалок бўлди

09:00 / 05.07.2025