Қорақалпоғистонда кунжут ва мош экинлари кўпайтирилади

Вазирлар Маҳкамасининг «Қорақалпоғистон Республикасида кунжут ва мош экинларини етиштириш тизимини такомиллаштириш тўғрисида»ги қарори қабул қилинди.

Ҳужжат билан белгиланишича, 2025 йилдан бошлаб Қорақалпоғистонда:

кунжут ва мош экинларини етиштириш бўйича намунавий лойиҳалар ҳар бир туманда «бир контур — бир маҳсулот» тамойили асосида камида 50 гектар майдонда амалга оширилади;
ушбу лойиҳалар бўйича имтиёзли кредитлар суғурта таъминоти билан гаровсиз ажратилади;
«Агроплатформа» ахборот тизими орқали имтиёзли кредитларни ажратишда кунжут ва мош экинлари экилган майдоннинг гектарига нисбатан ҳосилдорлик нормативи 0,27 центнерни ташкил этади;
имтиёзли кредитларни ажратишда ҳосилдорлик қиймати сифатида Қишлоқ хўжалиги вазирлиги томонидан эълон қилинадиган кунжут ва мошнинг тавсиявий реализация нархлари қабул қилинади.

#Қорақалпоғистон #мош #кунжут