Исроил Ғазо шимолидан фаластинликларни мажбуран кўчиришни бошлади
Исроил армияси ҳужумларни кучайтирмоқда ва аҳолига бир қанча ҳудудларни тарк этиб, эксклавнинг ғарбий томонига йўл олишларини буюрмоқда.

Фото: AP
Исроил армияси Ғазо сектори шимолида ҳудудни доимий ишғол қилишга қаратилган кенг кўламли ҳарбий операция доирасида фаластинликларни мажбуран чиқариб юборишга буйруқ берди. Бу ҳақда Исроил армиясининг расмий вакили Авичай Адраи маълум қилди.
У эълон қилган харитага кўра, чизиқнинг шимолий қисмидаги иккита шаҳардаги бешта турар жой ҳудуди эвакуация қилиниши керак: Ал-Ататра, Жабалия ал-Балад, Шужайя, Ад-Дареж ва Аз-Зейтун. Армия бу ҳудудларда ҳарбий амалиётларни кенгайтириш ва фаоллаштириш ниятида эканлигини маълум қилди.
Адраи фаластинликларни зудлик билан ҳудудларни тарк этиб, ғарбга йўл олишга чақирди.
Аввалроқ Исроил ҳарбийлари Ғазони тўлиқ ва доимий босиб олишга қаратилган «Гидён аравалари» деб номланган қуруқликдаги операция бошланганини эълон қилган эди. Режага кўра, фаластинликлар эксклав жанубидаги «йиғиш лагерлари» деб аталадиган жойга мажбуран кўчирилади.
Исроил матбуоти ўтган ҳафта армия икки ой ичида Ғазо секторининг 75 фоизи устидан назорат ўрнатишни режалаштираётгани ҳақида хабар берди.
Мавзуга оид

13:09
БМТ: Исроилнинг Ғазодаги тинч аҳолига ҳужуми уруш жинояти бўлиши мумкин

15:05 / 03.06.2025
Исроилнинг ёрдам тарқатиш жойларини ўққа тутиши оқибатида ҳалок бўлганлар сони 52 кишига етди

13:51 / 03.06.2025
Ғазо жанубида гуманитар ёрдам кутиб турган одамлар яна бир бор ўққа тутилди

11:09 / 02.06.2025