Британияда олти панжали мушук дунёга келди

Буюк Британияда олти панжали мушук дунёга келди. Ветеринарларга кўра, бу она қорнида эмбрионлардан бири иккинчисини қисман ютиб юборган камёб ҳодиса ҳисобланади.

Ушбу ҳолат «фетал ютувчи» деб номланади — жуда ноёб ҳодиса бўлиб, унда эгизаклардан бири ривожланишдан тўхтайди ва қисман иккинчисининг танасига қўшилиб кетади. Моно лақабли мушукда икки қўшимча оёғи қолган бўлиб, улар ҳозирда жониворнинг қорнидан осилиб турибди.

Норвичдаги клиникада ҳайвонга қараётган ветеринарнинг айтишича, бу қўшимча оёқлар ички аъзолар билан боғлиқ эмас ва мушукнинг соғлиғи учун хавф туғдирмайди. Улар фақат терига бириккан, келажакда жарроҳлик йўли билан олиб ташланиши мумкин.

«Бу ўша дарсликларда ўқиладиган, аммо жуда камдан-кам учрайдиган ноодатий ҳолатлардан биридир», — дейди мутахассис.

Ҳозирда Моно ўзини яхши ҳис қилмоқда, одатдагидек овқатланяпти ва ҳаракатланишда катта муаммоларга дуч келмаяпти. Унинг эгаси эса агар ортиқча оёқлар ҳайвонга халақит бермаса, уларни олиб ташлашни режалаштирмаётганини айтди.

«У аллақачон маҳаллий машҳурликка эришди. Биз уни қандай бўлса, шундай яхши кўрамиз», — дейди у.