Зеленский Путин ва Трамп билан учтомонлама учрашув ўтказишни таклиф қилди

Украина президенти Владимир Зеленский Россия президенти Владимир Путин ва АҚШ президенти Доналд Трамп иштирокида учтомонлама учрашув ўтказишни таклиф қилди, деб хабар берди AFP 28 май куни.

«Агар Путин иккитомонлама учрашувдан қониқмаса ёки ҳамма унинг учтомонлама бўлишини истаса, мен ҳеч қандай эътирозим йўқ. Мен ҳар қандай форматга тайёрман», деди Зеленский 27 май куни журналистларга.

Украина президенти «ўзи, Трамп ва Путин» учрашувига «тайёр» эканини қўшимча қилди.

Россия президенти матбуот котиби Дмитрий Песков Путин ва Зеленскийнинг эҳтимолий учрашуви бўйича Москванинг позициясида ҳеч қандай ўзгариш бўлмаганини айтди.

«Бундай учрашув икки делегация ўртасида турли соҳалардаги аниқ келишувлар натижаси бўлиши керак. Шу муносабат билан бизнинг позициямизда ҳеч қандай ўзгаришлар йўқ», деди Кремль вакили.

Владимир Путин май ойи бошида Владимир Зеленскийнинг Россия-Украина музокаралари чоғида Истанбулда шахсан учрашиш таклифини рад этган эди. Бунинг ўрнига Путин музокараларга ёрдамчиси Владимир Мединский бошчилигидаги бир гуруҳ расмийларни юборди. Истанбул музокараларида Украина делегациясига Украина мудофаа вазири Рустем Умеров бошчилик қилди.