«Насаф» «Андижон»ни мағлуб этиб, Ўзбекистон Суперкубоги эгаси бўлди

Қарши клуби тарихда тўртинчи марта нуфузли совринни қўлга киритди.

Фото: Uzbekistan PFL

Футбол бўйича Ўзбекистон Суперкубоги учун баҳсда амалдаги чемпион, Қаршининг «Насаф» клуби ва кубок соҳиби «Андижон» ўзаро беллашди.

Тошкентдаги «Бунёдкор» стадионида 13 мингдан ортиқ томошабин қаршисида ўтган ўйин тақдирини ягона гол ҳал қилди.

72-дақиқада бош ҳакам Илгиз Танташев андижонликлар дарвозаси томон пеналти белгилади. 11 метрлик нуқтага яқинлашган Ҳусайн Норчаев бу имкониятдан унумли фойдаланди – 1:0. Бу натижа ўйин охирига қадар ўзгармади.

Шу тариқа, «Насаф» ўз тарихида 4-марта Ўзбекистон Суперкубогига эга чиқди. Бу ўзбек футболидаги энг яхши кўрсаткич ҳисобланади.

Шунингдек, Ўзбекистон Суперкубогида «Пахтакор» ва «Локомотив» 2 мартадан, «Бунёдкор» ва «Навбаҳор» 1 мартадан ғалаба қозонган.

Ўзбекистон Суперкубоги-2025
Тошкент, 27 май, «Бунёдкор» стадиони
НАСАФ (Қарши) – Андижон 1:0

Гол: Ҳусайн Норчаев 72 (пен)

НАСАФ: Абдувоҳид Неъматов, Алибек Давронов, Ғолиб Ғайбуллаев, Акмал Мозговой, Драган Черан (Зафармурод Абдираҳматов, 90), Шароф Муҳитдинов (Шерзод Насруллаев, 65), Ҳусайн Норчаев, Стефан Чолович (Рубин Ҳебай, 65),Шуҳрат Муҳаммадиев (Игор Голбан, 90), Ойбек Бозоров, Умарбек Эшмуродов.

АНДИЖОН: Валижон Раҳимов, Исломбек Маматказин, Абдулвоҳид Ғуломов, Алтин Крезиу (Дамин Темиров, 75), Илҳомжон Абдуғаниев (Мирзад Механович, 75), Ислам Машуков (Рустам Турдимуродов, 73), Усмонали Исмоналиев, Дониёр Абдуманнопов, Муҳаммадкарим Тоиров, Лука Ускокович, Бектемир Абдуманнонов.

Огоҳлантириш: Акмал Мозговой (24), Усмонали Исмоналиев (71)

#Андижон #Насаф #Ўзбекистон Суперкубоги