ИИБ ходимини пичоқлаган шахсни автобусда ушлашган. Ҳодиса тафсилотлари
19 май куни Юнусобод деҳқон бозорида хизмат олиб бораётган патрул-пост хизмати ходими пичоқланди. Жабрланувчи айни вақтда шифохонада. Унга ҳужум қилган шахс қўлида пичоқ билан йўловчи автобусига чиқиб, яширинишга уринган. Уни ушлаш ва зарарсизлантириш пайтида автобус ичидаги йўловчилардан бири қаҳрамонлик кўрсатган. Kun.uz ҳодиса тафсилотларини ўрганди.

7-сонли шаҳар клиник шифохонаси бош шифокори Расул Раҳимовнинг айтишича, бемор касалхонага бўйин соҳасидан шикастланган ҳолда карахт ва оғир аҳволда олиб келинган. Беморда шошилинч жарроҳлик амалиёти ўтказилгач, ҳолати барқарорлашган. Кейинчалик у ИИВ госпиталига ўтказилган. Бўйин соҳасидаги жароҳати 5 сантиметр атрофида бўлган, трахея ва қалқонсимон без томирлари шикастланган.
Кun.uz мухбирининг аниқлашича, ички ишлар ходимига жароҳат етказган шахс қўлидаги пичоқ билан йўловчи автобусига чиқиб, воқеа жойидан яширинишга уринган.
Гумонланувчининг ортидан таъқиб қилиб борган уч нафар ходим уни зарарсизлантиришга муваффақ бўлган. Бунда уларга автобус ичида йўловчи сифатида кетаётган оддий фуқаро – Владимир Авдиянс (гапира олмайди) ёрдам берган, ушбу йўловчи гумондорга ортдан ташланиб, унинг қўлларини қайиришда ёрдам берган.
“Автобусда эдим, қарасам, пичоқ кўтарган одам чиқди, уни ушлаш керак деб ҳисобладим ва ИИБ ходимига хабар бердим. У одам пичоқ билан юрганди, одамларни автобусдан чиқардик, кейин уни ушладик ва ҳаракатсизлантирдик. Спортчи бўлганим учун бундай жараёндан қўрқмадим”, дея сурдо таржимон ёрдамида Владимир Авдиянснинг сўзларини келтиради Kun.uz мухбири.
Маълумот учун, 19 май куни Юнусобод деҳқон бозорида хизмат олиб бораётган ППХ инспектори ўзини шубҳали тутган фуқарони тўхтатиб текширмоқчи бўлганида, у ёнидаги пичоқ билан ходимнинг бўйин қисмига тан жароҳати етказган эди.
Ҳудудда хизмат олиб бораётган патрул-пост хизматининг уч нафар ходими жиноятчини махсус воситалар ва жисмоний куч ишлатиш йўли билан зарарсизлантириб, қўлга олган, бунда ходимларга фуқаро Владимир Авдиянс ҳам фаол ёрдам бериб, ўзининг фуқаролик бурчини сидқидилдан бажаргани учун мукофотланганди.
ИИВ маълумотига кўра, гумондор шахс 1963 йилда Жиззах вилоятида туғилган, Пахтакор туманида яшовчи Акром Ҳасанов бўлиб, 2005 йилдан бери руҳий касалликлар диспансерида рўйхатда туради.
Тавсия этамиз
Исроил–Эрон урушининг Марказий Осиё учун геосиёсий мезонлари қандай?
Жаҳон | 22:13 / 18.06.2025
Клублар ўртасидаги ЖЧда кўпчиликка нотаниш бўлган 11 истеъдод. Кимлар турнир кашфиёти бўлиши мумкин?
Спорт | 20:34 / 18.06.2025
Эрон ва Исроилнинг ҳарбий салоҳияти: кимда қандай қуроллар бор?
Жаҳон | 18:04 / 18.06.2025
Яна юзлаб одам алданган: Alfa va Baraka avtolizing судидан репортаж
Жамият | 11:25 / 18.06.2025
Сўнгги янгиликлар
-
Зеленский Россия, Эрон ва КХДРни «қотиллар коалицияси» деб атади
Жаҳон | 14:44
-
NBC: Эрон Вашингтонга АҚШ ҳудудидаги террористик ячейкаларни уйғотиш билан таҳдид қилган
Жаҳон | 14:30
-
Эрон ташқи ишлар вазири Москвага келди
Жаҳон | 14:12
-
Шавкат Мирзиёев БМТ Давлат хизмати бўйича форуми иштирокчиларига табрик йўллади
Ўзбекистон | 14:10
Мавзуга оид

11:16 / 24.05.2025
Тошкентда 22 ёшли йигит кўчада танишини пичоқлади

08:54 / 06.05.2025
Тошкентда гиёҳвандлик воситаси савдоси билан шуғулланувчи канал рекламасини тарқатганлар ушланди

14:35 / 20.03.2025
Тошкент метрополитени ТТЗ даҳасигача олиб борилади

19:04 / 21.11.2024