Ўзбекистон ва ЕИ афғон келишуви масаласида музокара ўтказди

Ўзбекистон ва Европа Иттифоқи афғон келишуви масалалари бўйича тизимли ва конструктив мулоқотни давом эттиради.

Фото: "Дунё" АА

Ўзбекистон президентининг Афғонистон бўйича махсус вакили Исматулла Эргашев Европа Иттифоқининг Марказий Осиё бўйича махсус вакили Эдуардс Стипрайс билан учрашди.

ТИВ маълумотига кўра, мулоқот чоғида минтақавий хавфсизликнинг долзарб масалалари, Афғонистондаги вазият ҳамда Ўзбекистон ва Европа Иттифоқи ўртасидаги ҳамкорликни чуқурлаштириш истиқболлари муҳокама қилинди.

Томонлар афғон келишуви масалалари бўйича тизимли ва конструктив мулоқотни давом эттиришдан ўзаро манфаатдор эканликларини тасдиқладилар ва мунтазам маслаҳатлашувларни давом эттиришга келишиб олдилар.

#Европа Иттифоқи #Исматулла Эргашев