Зангиотадаги гилам дўконида йирик ёнғин содир бўлди

Айни вақтда фавқулодда вазиятлар бошқармасининг 7 та ёнғин-қутқарув экипажи ва ФВВ раҳбарияти воқеа жойига етиб борган. Расмий маълумотга кўра, қарийб бир соат ичида ёнғин бартараф қилинди, фожиа оқибатида тан-жароҳати олган ва ҳалок бўлганлар ҳақида маълумот келиб тушмаган.

Фото: Видеодан кадр

26 апрель куни тахминан 9:00 ва 10:00 лар оралиғида Тошкент вилояти Зангиота тумани «Олим полвон» маҳалласи гилам дўконида йирик ёнғин юзага келди. Ёнғин оқибатида пайдо бўлган қора тутунлар бутун Тошкент шаҳридан кўринмоқда.

ФВВнинг хабар беришича, айни вақтда 7 та ёнғин-қутқарув экипажи ёнғин жойига етиб бориб, айни вақтда уни бартараф қилмоқда.

«Вазият тўлиқ назоратда. Рўй берган ёнғин жойига ФВВнинг барча керакли куч-воситалари жалб этилган. Ҳозирда ёнғин кўлами қисқариб бормоқда. Айни вақтга кўра, тан-жароҳати олган ва ҳалок бўлганлар тўғрисида маълумот келиб тушмади. ФВВ раҳбарияти ёнғин жойига етиб борган», дейилади ФВВ баёнотида.

ФВВнинг қўшимча ахборотига кўра, ёнғин-қутқарув экипажлари соат 09:44 да ҳодиса жойига етиб борган ҳамда 10:38да ёнғин тўлиқ бартараф этилган. Шунингдек, вазирлик тан-жароҳати олган ва ҳалок бўлганлар тўғрисида маълумот келиб тушмаганини билдирди.

#ёнғин #Зангиота