Қўшимча функционаллар
-
Тунги кўриниш
Россияда «Норд-Ост» теракт иши бўйича қамалган шахс 22 йилдан кейин озодликка чиқди
Алихон Межиев 2024 йил 28 октябрь куни жазони тўлиқ ўтаб бўлгач, озодликка чиқарилди.
Фото: РИА Новости
«Норд-Ост» теракт иши бўйича 22 йиллик қамоқ жазосига ҳукм қилинган Алихон Межиев жазони тўлиқ ўтаб бўлгач, озодликка чиқди, деб ёзди «РИА Новости» ҳуқуқ-тартибот идораларига таяниб.
«Алихон Межиев 2024 йил 28 октябрь куни жазони тўлиқ ўтаб бўлгач, озодликка чиқди», деди манба.
2002 йил 23 октябрь куни кечқурун террорчилар Москвадаги театр марказига бостириб кириб, 914 кишини - «Норд-Ост» мусиқий томошаси иштирокчилари ва томошабинларини гаровга олди. Театр марказига уюштирилган ҳужумда жами 40 нафар террорчи иштирок этган. 26 октябрь куни эрталаб гаровга олинганларнинг аксарияти махсус операция натижасида озод қилинди. Теракт оқибатида 130 киши ҳалок бўлди.
Бундан бир неча кун олдин, Москванинг Покришкин кўчасида жойлашган McDonald's ресторани ёнида машина портлади. Бир киши ҳалок бўлди, саккиз киши яраланди.
2004 йил апрель ойида Москва шаҳар суди «Норд-Ост» теракти ишидан алоҳида жиноий процессга ажратилган McDonald's теракт иши бўйича тўрт нафар айбланувчига ҳукм чиқарди. Аслан Мурдалов 20 йилга, Алихон Межиев 22 йилга, Ахад Межиев 18 йилга, Хампаш Собралиев 15 йилга озодликдан маҳрум этилди. Межиев ўз айбига қисман иқрор бўлган эди.
Мавзуга оид
19:35 / 02.05.2025
Bloomberg: Трамп жамоаси Россияга иқтисодий босимларни кучайтириш вариантларини тайёрлади
22:09 / 01.05.2025
Трамп билан музокаралар бошланганидан кейин россиялик миллиардерлар 15 млрд долларга бойиди
17:33 / 01.05.2025
Украина Россия билан урушни тугатиш учун 22 та шартга рози – Келлог
14:30 / 01.05.2025