Тошкентда фуқароларга пичоқ билан таҳдид қилган маст эркак 10 суткага қамалди
Шайхонтоҳур туманида маст ҳолатда бўлган 67 ёшли шахс автотураргоҳ қоровули ва бошқа фуқароларни ошхона пичоғи билан қўрқитиб, жамоат тартибини бузди.

Фото: Видеодан кадр
Пойтахтнинг Шайхонтоҳур туманида пичоқ билан одамларга таҳдид қилган фуқаро жавобгарликка тортилди. Бу ҳақда Тошкент шаҳар ИИББ ахборот хизмати хабар берди.
Ижтимоий тармоқларда бир эркакнинг лифтда ёш болага қўл кўтаргани, кўчада фуқароларга пичоқ билан таҳдид қилгани тасвирланган видеолар тарқалди.
ИИББ маълумотларига кўра, 18 апрел куни соат 19:40 ларда Шайхонтоҳур тумани Себзор кўчасида жойлашган автотураргоҳлардан бирида ўрнатилган «ташвиш тугмаси» босилгани ҳақида Тошкент шаҳар ИИББ Қўриқлаш бошқармасига хабар келиб тушган.
Зудлик билан воқеа жойига етиб борган ИИО ходимлари томонидан аниқланишича, 1958 йилда туғилган Х.С. маст ҳолатда бўла туриб, автотураргоҳ қоровули ва бошқа фуқароларни ошхона пичоғи билан қўрқитиб, жамоат тартибини бузган. Сўнг воқеа жойидан қочиб, кўп қаватли уйлардан бирига кириб кетган. Кўрилган тезкор чора-тадбирлар натижасида фуқаро Х.С. ушланиб, ИИБга олиб борилган.
Х.С. томонидан пичоқ билан ҳеч кимга тан жароҳати етказилмаган.
Ҳолат юзасидан Х.С.га нисбатан Маъмурий жавобгарлик тўғрисидаги кодекснинг 183- (майда безорилик), 194- (ички ишлар органлари ходимининг қонуний талабларини бажармаслик) ва 185-2-моддалари (совуқ қуролни ёки совуқ қурол сифатида фойдаланилиши мумкин бўлган ашёларни олиб юриш) билан маъмурий баённома расмийлаштирилган.
Тўпланган ҳужжатлар жиноят ишлари бўйича Шайхонтоҳур тумани судига тақдим этилган. Суд томонидан ушбу шахсга нисбатан 10 сутка маъмурий қамоқ жазоси тайинланган.
Тавсия этамиз
Исроил–Эрон урушининг Марказий Осиё учун геосиёсий мезонлари қандай?
Жаҳон | 22:13 / 18.06.2025
Клублар ўртасидаги ЖЧда кўпчиликка нотаниш бўлган 11 истеъдод. Кимлар турнир кашфиёти бўлиши мумкин?
Спорт | 20:34 / 18.06.2025
Яна юзлаб одам алданган: Alfa va Baraka avtolizing судидан репортаж
Жамият | 11:25 / 18.06.2025
Исроил эронликлар тузумга қарши исён кўтаришига умид қилмоқда. Бунинг эҳтимоли борми?
Жаҳон | 20:00 / 17.06.2025
Сўнгги янгиликлар
-
2024 йилда Ўзбекистондан Россияга борган мигрантлар сони маълум бўлди
Ўзбекистон | 01:53
-
Зеленский Украина қуруқлик қўшинларига янги қўмондон тайинлади
Жаҳон | 01:06
-
Apple қўш экранли iPhone чиқаради: у ҳақда нималар маълум
Фан-техника | 00:33
-
Оқ уй: Трамп Эронга ҳужум масаласида икки ҳафтада бир қарорга келади
Жаҳон | 23:35 / 19.06.2025
Мавзуга оид

09:20 / 29.05.2025
Тошкент вилоятида кўп миқдордаги наркотик билан боғлиқ жиноят фош этилди

23:27 / 23.05.2025
Ҳамбург марказий вокзалида аёл киши пичоқ билан одамларга ҳужум қилди. Камида 12 киши жароҳат олди

17:21 / 30.04.2025
Тошкентнинг Шайхонтоҳур тумани ҳокимлиги биноси сотувга қўйилди

10:45 / 18.04.2025