Apple букланувчан ва икки экранли Apple Watch учун патент олди

Apple ўзининг ақлли соатлари дизайнини тубдан ўзгартиришни кўриб чиқмоқда. Компания суратга олиш ва қўнғироқ қилиш учун мўлжалланган иккита экран ва камерага эга йиғилувчи Apple соатини патентлади.

«Тақиб олинадиган электрон қурилма» деб содда ва ҳеч қандай инновацион ишораларсиз номланган ҳужжатда букланадиган дисплей ва оптик сенсор билан жиҳозланган «қўзғалмас ва ҳаракатланувчи қисмга» эга бўлган гаджет тасвирланган.

Қурилма очиладиган қопқоқли кичик ойнага ўхшайди. У ташқи ва ички экран билан жиҳозланган. Ички экран қатлама механизми ичида яширинган ва ўз ўқи атрофида айлана оладиган иккита дисплейдан иборат.

Патентнинг яна бир қисмида ташқи ва ичкарига қараган камералар ҳақида гап боради. Улар суратга олиш ва видео қўнғироқлар учун ишлатилиши мумкин.

Ҳужжатда қайд этилишича, ҳатто энг замонавий ақлли соатлар ҳам «экран ўлчами ва функционаллиги жиҳатидан смартфонлардан паст даражада» ва бу уларнинг машҳурлигига таъсир қилади. Аммо янги дизайн ғалабани таъминлаши даргумон, аммо бу уларни ҳеч бўлмаганда тенг позицияларга яқинлаштириши мумкин.

Шуни эсда тутиш керакки, бу фақат патент ва бундай қурилманинг қачон чиқарилиши маълум эмас. Балки, ҳеч қачон чиқмаслиги ҳам мумкин.