«Олтиариқдаги иссиқ боғ» — иссиқхонада ўрик етиштираётган эскиараблик боғбон ҳикояси

Абдулҳамид ота Раҳимбердиев 73 ёшда. Фарғона вилояти Олтиариқ тумани Эскиараб қишлоғидан. Отахон ўрик гулини яхши кўргани учун 6 сотихли иссиқхонасига ўрик кўчатини қадаган. Водийда одатда ўрик Тошкент шаҳри ва воҳага нисбатан кечроқ гуллайди, аммо Абдулҳамид отанинг «иссиқ боғи»да ўриклар феврал ойидаёқ гуллай бошлаган. Боғбон Kun.uz мухбири билан суҳбатда иссиқхонаси ҳақида гапириб берди.

{Yii::t(}

Ўтказиб юбориш 6s

Ўтказиб юбориш

Олтиариқликлар деҳқончилик ҳадисини олган. Бир йилда томорқадан 3,4 мартагача ҳосил олишга улгуришади. Баҳор, редиска, кўкат, чеснок ҳосили билан бошланиб бодринг ва узумга уланиб кетади. 

Абдулҳамид ота оиласи ҳам асосан томорқасида кўкат, бодринг, узум етиштириш билан шуғулланади. 3 йил аввал 6 сотих майдонда иссиқхона ташкил этиб ўрик экилди. Ўриклар феврал ойидаёқ гуллади. Айни пайтда гулини тўкди ҳам.

«Иссиқхонага 130 туп ўрик кўчатлари экилган. Ўрик гулини яхши кўраман. Қишдан чиқиб кўкламда биринчилардан бўлиб оппоқ гулларни кўриш учун ҳам иссиқхонага атай ўриклар экканмиз. Водий шароитида айни шу кунларда бодомлар энди гуллашга келди. Жануб вилоятларидан кўра анча илгани ҳосил беради бу ўрикларимиз.

Бизнинг ўрикларимиз эса феврал ойидаёқ гуллаб гулини тўкишга улгурди. Қишдан чиқиб баҳорни соғиниб чиққан одамлар, яқинларимиз, қўшнилар буларни томоша қилиб баҳри дили очиляпти.

Ўрик гулини бошқалардан эрта кўриш учун ҳам иссиқхона ташкил қилиб, уларга атай ўрик эккан эдик. Мана энди кўзларимиз қувнаб ўтирибмиз.

Эскиарабликлар жуда миришкор халқ. Ҳар йили узум, бодрингдан яхшигина даромад оламиз. Чеснокларни сотиб бўлдик.

Энди навбат помидор кўчатларига. Помидор кўчатларни сотиб бўлиб бодринг, кўкатларга ўтамиз. Бир сўз билан айтганда тинмаймиз.

Ернинг ҳар бир қаричидан унумли фойдаланамиз», – дейди Абдулҳамид ота Раҳимбердиев. 

Сарвар Зиёев,
Kun.uz
Оператор ва монтажчи – Сардор Мамиров.