Беморнинг COVID оқибатида йўқолган ҳид ва таъм билиш қобилиятини тиклаш усули топилди

Узоқ вақт давомида COVID билан касалланган кўпчилик одамларга йўқолган ҳид билиш ва таъм сезиш қобилиятини қайта тиклаш мумкин. The Guardian хабарига кўра, Лондон Университет коллежи жарроҳлари бунинг учун аллақачон маълум бўлган септоринопластика операциясидан фойдаланмоқда.

Жаҳон соғлиқни сақлаш ташкилоти (ЖССТ) маълумотларига кўра, COVID билан касалланган ҳар 100 кишидан 6 нафари касалликни узоқ муддатли шаклига ўтади. Кейин ойлар ёки ҳатто йиллар давомида бемор ҳид ва таъм сезиш қобилиятини йўқотади. Ҳар хил турдаги дори терапияси бундай беморларга ёрдам бермайди.

Университет коллежи Лондон тиббиёт факультети жарроҳлари тадқиқотнинг бир қисми сифатида септоринопластика деб аталадиган кенг тарқалган операциядан фойдаланишга ҳаракат қилишди. Жарроҳлик бурун йўлларини 30 фоизга кенгайтиради, бу эса ҳидларни назорат қилувчи бурун бўшлиғи қисмига кўпроқ ҳаво етиб боришига имкон беради. Жарроҳларнинг фикрига кўра, бу ҳид билиш қобилиятини тиклаш жараёнини «бошлайди».

Тадқиқотни олиб борган ринология бўлимининг катта маслаҳатчи жарроҳи, профессор Питер Эндрюс: «Бу ҳид сезувчи шиллиқ қаватни «уйғотади» ва уни созлайди», деди. Таъкидланишича, жарроҳлик амалиёти узоқ вақт давомида COVID билан касалланган 12 беморда муваффақиятли амалга оширилди ва ҳозир уларнинг барчасида нормал ҳид сезиш ҳисси мавжуд.