Бухорода Cobalt ЙПХ ходимини уриб кетди

Жондор туманида ҳайдовчи машинани ЙПХ ходими устига ҳайдаган. Ходим шифохонага ётқизилган, ҳайдовчи ҳибсга олинган.

Фото: Видеодан кадр

Бухорода ҳайдовчи Cobalt машинасда ЙПХ ходимини уриб юборди. Ҳолат 28 январ куни Жондор тумани марказида содир бўлган.

Ижтимоий тармоқларда тарқалган видеода ЙПХнинг икки нафар ходими иккинчи йўлакда тўхтаб турган автомобил ёнида тургани, кейин автомобил кескин ҳаракат билан улардан бирининг устига юргани, акс этган.

Kun.uz’га маълум қилинишича, инспектор қоидани бузиб бошқа машиналарга халақит бериб турган Cobalt ҳайдовчисига нотўғри тўхтаб тургани учун жарима ёзишини айтган. 45 ёшли ҳайдовчи эса ходимнинг қонуний талабини бажармасдан машинаси билан уни уриб юбориб, кейин ҳаракатдаги Matiz’га бориб урилган.

ЙПХ ходими тан жароҳатлар билан шифохонага ётқизилган.

Ўзбекистон бош прокуратураси матбуот котиби Ҳаёт Шамсутдинов хабар беришича, Жиноят кодексининг 219-моддаси (Ҳокимият вакилига ёки фуқаролик бурчини бажараётган шахсга қаршилик кўрсатиш) бўйича жиноят иши қўзғатилган. Гумонланувчи ҳибсга олинган.

#ЙТҲ #Бухоро #Жондор тумани