Ўзбекистон | 11:07 / 23.03.2024
17525
1 дақиқада ўқилади

Қашқадарёда сел ювиб кетган кўприкда транспорт ҳаракати қайта тикланди

Китоб туманида “Аёқчисой” дарёси устидан ўтувчи 47 метрли кўприкка туташ йўлнинг бир қисмини 21 март куни сел ювиб кетганди.

Фото: Китоб тумани ҳокимлиги

Китоб туманида сел ювиб кетган кўприкда ҳаракат қайта тикланди. Бу ҳақда туман ҳокимлиги матбуот хизмати хабар берди.

Маълум қилинишича, Китоб туманининг “Аёқчисой” дарёси устидан ўтувчи 4K-271 Русқишлоқ—Макрид—Минжир автомобил йўлидаги узунлиги 47 метр бўлган кўприкка туташ йўлнинг бир қисмини сув ювиб кетган.

“Ҳодиса оқибатида ҳеч ким зарар кўрмаган. Воқеа жойига тезда туман фавқулодда вазиятлар бўлими ҳамда бир қатор ҳамкор ташкилотлардан иборат тезкор гуруҳ етиб борган” дейилади хабарда.

Қайд этилишича, кўрилган чоралар натижасида дарё ўзани махсус техникаларни жалб қилиш орқали бетон плиталар ёрдамида иҳоталаниб, йўлнинг сув ювиб кетган қисми қум-шағал ёрдамида қайта тўлдирилган. Ҳозирда кўприкда транспорт воситалар ҳаракати қайта тикланган.

Қуйида кўприкнинг 21 март кунги ҳолати акс этган суратлар:

Мавзуга оид