Қўшимча функционаллар
-
Тунги кўриниш
Навоийда судя, Сирдарёда Миллий гвардия ходими ва Жиззахда бош ҳисобчи пора билан ушланди
Давлат хавфсизлик хизмати ходимлари томонидан тўртта вилоятда ўтказилган тезкор тадбирларда маълум бир ишларни ҳал қилиб бериш эвазига пул талаб қилган мансабдорлар қўлга олинди.

Фото: Видеодан кадр
Давлат хавфсизлик хизмати ходимлари томонидан Қашқадарё, Жиззах, Навоий ва Сирдарё вилоятида пул эвазига фуқароларнинг ишини битказиб бермоқчи бўлган мансабдорлар ушланди.
Маълум қилинишича, “Ҳудудий электр тармоқлари” АЖ Қашқадарё филиали бош муҳандиси ўринбосари пахта-тўқимачилик кластерига тегишли бўлган 21 та сув насос қудуқларини электр тармоқларига улаш учун “техник шарт” бериш эвазига 7 минг АҚШ доллари талаб қилиб, жорий йилнинг январ ойида 3 минг АҚШ доллари олган. ДХХнинг Қашқадарё вилояти бўйича бошқармаси ходимлари томонидан Бош прокуратура ҳузуридаги департамент билан ҳамкорликда ўтказилган тезкор тадбирда, бош муҳандис ўринбосари қолган 4 минг АҚШ долларини олган вақтида ашёвий далиллар билан ушланган. Мазкур мансабдор шахс муқаддам Жиноят кодексининг 205- ва 209-моддалари билан судланган бўлсада, ўз хатосидан тўғри хулоса чиқармаган.
Жиззах вилояти “Тоза ҳудуд” ДУК бош ҳисобчиси улгуржи савдо билан шуғулланувчи МЧЖ раҳбарига нисбатан судда кўрилаётган жиноят ишини танишлари орқали унинг фойдасига ҳал қилиш, яъни озодликдан маҳрум қилиш билан боғлиқ бўлмаган жазо тайинлатиб бериш эвазига 15 минг АҚШ доллари талаб қилган. У олдиндан 5 минг АҚШ доллари олган вақтида ушланган. Ушбу шахс ҳам муқаддам фирибгарлик билан боғлиқ жинояти учун судланганлигига қарамасдан, қайта жиноятга қўл урган.
Ўзбекистон Ҳакамлик судлари Ассоциациясининг Навоий вилоят ваколатхонаси ҳузуридаги доимий фаолият кўрсатувчи ҳакамлик суди судяси ўз хизмат мавқеидан фойдаланиб, Нурота туманида яшовчи фуқаронинг муқаддам бухоролик харидорларга сотган 250 бош қўйларининг пуллари берилмаётгани юзасидан қилган мурожаатини ижобий ҳал этиб бериш эвазига 1 000 АҚШ доллари талаб қилган. Ўтказилган тезкор тадбирда у сўралган пул маблағи ҳисобидан 500 АҚШ доллари ва 6 млн 250 минг сўм олган вақтида қўлга олинган.
Шунингдек, Миллий гвардиянинг Сирдарё вилоят қўриқлаш бошқармаси хизматни ташкил этиш ва мувофиқлаштириш бўлими бош инспектори Боёвут туманида яшовчи фуқарони қўриқлаш бошқармасига ишга киритиб қўйиш эвазига 3 минг АҚШ доллари талаб қилиб, муқаддам 1 500 АҚШ доллари олган. У сўралган пулнинг қолган 1 500 АҚШ долларини олган вақтида ДХХнинг Сирдарё вилояти бўйича бошқармаси ва Гулистон ҳарбий прокуратураси ходимлари томонидан ашёвий далиллар билан ушланган.
Ҳозирда мазкур шахсларга нисбатан Жиноят кодексининг тегишли моддалари билан жиноят ишлари қўзғатилиб, тергов ҳаракатлари олиб борилмоқда.
Олдинроқ Самарқандда Миллий гвардия ходими ва адвокат, «Оқдарётумангаз» бўлим бошлиғи, Наманганда суд раиси пора билан ушланганди.
Тавсия этамиз
Соч тўкилиши, кўз ости қорайиши, лаб ёрилиши: тана тили бизни нималардан огоҳлантиради?
Жамият | 17:08 / 10.07.2025
Роман Старовойт – урушнинг курсидаги қурбони
Жаҳон | 22:00 / 08.07.2025
Қозоғистонда куйдирги тарқалди, икки қишлоқ карантинга олинди
Жаҳон | 17:57 / 08.07.2025
11 июлдан IELTS имтиҳонини қоғозда топшириш бекор қилинади
Ўзбекистон | 15:45 / 08.07.2025
Сўнгги янгиликлар
-
Ҳар якшанба кунлари Тошкентдан Малдивга тўғридан тўғри рейслар
Ўзбекистон | 09:00 / 11.07.2025
-
Ўзбекистон ва Малайзия халқаро тан олинган ўқув дастурларини жорий этади
Ўзбекистон | 15:00
-
Eco Dry – жазирамада терлашдан самарали ҳимоя
Жамият | 14:59
-
Россияда «чет эл агентлари» рўйхати яна кенгайтирилди
Жаҳон | 14:40
Мавзуга оид

09:12
Иқтисодиёт университетининг кафедра ўқитувчиси 4 минг доллар билан ушланди

16:35 / 11.07.2025
Жиззахда ҳакерлар фуқаронинг банкка қўйган катта миқдордаги омонатини ўғирлади

10:16 / 10.07.2025
Андижон ва Сурхондарёда солиқ бошқармалари бош инспекторлари ушланди

20:58 / 09.07.2025