Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 10:34 / 22.10.2023
    30515
    5 дақиқада ўқилади

    Иордан дарёси Ғарбий соҳилида ва Ғазо секторида нималар бўлмоқда — фотосуратлар

    Исроилнинг ҲАМАСга қарши уруши 16 кундирки давом этмоқда. 19 октябр куни Исроил мудофаа армияси Иордан дарёсининг Ғарбий соҳилига зарба берди. Исроил ҳарбийлари бу сафарги эскалация вақтида Ғарбий соҳил бўйлаб зарбалар бериш учун авиация қўлламаётганди. Шу куни бу ерда фаластинликлар ва террорчиликда гумонланувчиларни аниқлаш мақсадида рейд бошлаган Исроил хавфсизлик кучлари ўртасида тўқнашув рўй берди. Фаластин маъмурияти тасдиқлашича, тўқнашув оқибатида олти нафар фаластинлик ҳалок бўлган, исроиллик ҳарбийларнинг йўқотишлари ҳақида маълумот йўқ. Исроил 80 нафар гумонланувчи қўлга олингани, улар орасида ҲАМАСнинг 63 нафар аъзоси борлиги айтилган. 

    Иордан дарёсининг Ғарбий соҳили

    Иордан дарёси ғарбий соҳилидаги Хеврон шаҳрида ёпиқ турган дўконлар, 18 октябр. Шу куни Ғазодаги шифохонага зарба берилганига қарши иш ташлаш бўлиб ўтганди, бу зарба учун ҲАМАС Исроилни айблаган, Исроил томони буни рад этиб, шифохона ҳовлисига «Ислом жиҳоди» гуруҳининг ҳавода портлаб кетган ракетаси парчалари тушганини билдирган.
    Mamoun Wazwaz / apaimages / Scanpix / LETA
    Россия ва Фаластин байроқларини кўтарган кишилар Иордан дарёси Ғарбий соҳилидаги Хеврон шаҳри кўчаларида. Улар Ғазо секторидаги фаластинликлар билан бирдамлик акциясини ўтказишди.
    Raneen Sawafta / Reuters / Scanpix / LETA
    Тулкарм шаҳридаги Нур-Шамс қочқинлар лагери устидаги тутун. 19 октябр куни Исроил кучлари лагерга кирганидан кейин ҳарбийлар ва маҳаллий аҳоли ўртасида тўқнашувлар бошланган
    Majdi Mohammed / AP / Scanpix / LETA
    Нур-Шамс қочқинлар лагеридаги Исроил ҳарбий машиналари, 19 октябр
    Majdi Mohammed / AP / Scanpix / LETA
    Нур-Шамс қочқинлар лагерида рейд уюштирган исроиллик ҳарбийлар
    Majdi Mohammed / AP / Scanpix / LETA
    Лагер аҳолиси Нур-Шамсдаги тўқнашув вақтида ҳалок бўлган фаластинлик жасадини олиб кетмоқда
    Raneen Sawafta / Reuters / Scanpix / LETA
    20 октябр куни Иордан дарёси Ғарбий соҳили маркази Рамаллоҳга кириш жойида Исроил кучлари билан тўқнашувлар чоҳида тош кўтарган фаластинлик аёл
    Alaa Badarneh / EPA / Scanpix / LETA
    Рамаллоҳда фаластинликларнинг Исроил махсус хизматлари билан тўқнашуви, 20 октябр
    Ammar Awad / Reuters / Scanpix / LETA
    Рамаллоҳ шаҳрига кириш ҳудудидаги вазиятни узоқдан кузатаётган исроиллик аскарлар
    Alaa Badarneh / EPA / Scanpix / LETA

    Ғазо сектори

     

    Ғазо билан чегара яқинида тўпланган Исроил ҳарбий кучлари, 20 октябр. Исроил мудофаа вазирлиги Ғазо секторидаги қуруқлик амалиёти «тез орада» бошланишини маълум қилган
    Hannibal Hanschke / EPA / Scanpix / LETA

     

    Ғазо сектори билан чегара яқинида тўпланган Исроил аскарлари. 19 октябр
    Abir Sultan / EPA / Scanpix / LETA
    Ғазо сектори яқинидаги аҳоли яшаш манзили ҳудудида патруллик қилаётган исроиллик аскарлар
    Ohad Zwigenberg / AP / Scanpix / LETA
    19 октябр куни Ғазо секторидан Исроил томонга учирилган ракеталар исроилликларнинг авиазарбаларидан вайрон бўлган бинолар устидан учиб ўтмоқда
    Mohammed Dahman / AP / Scanpix / LETA
    Ғазо сектори ҳудудида Авлиё Порфирий юнон православ черкови. Иерусалим патриархати тасдиқлашича, черков Исроилнинг 20 октябрга ўтар кечаси йўллаган авиазарбаси оқибатида вайрон бўлган. Патриархат баёнотида айтилишича, «черков ҳудудида исроилликларнинг турар жойлар бўйлаб йўллаган авиазарбалари туфайли бошпаналарини йўқотган бегуноҳ одамлар яширинганди», бу —  «инкор қилиб бўлмайдиган ҳарбий жиноят». ЦАҲАЛ самолётлар ҲАМАС қўмондонлик пунктига зарба йўллагани, натижада «яқин атрофда жойлашган черков девори шикастлангани»ни маълум қилган ва ҳодиса текширилишини қайд этган.
    Ali Jadallah / Anadolu / ddp / Vida Press
    Ғазо секторидаги юнон православ черкови яқинидаги вайронгарчилик
    Mohammed Saber / EPA / Scanpix / LETA
    Ярадор киши юнон православ черковидаги шикастланишни кўздан кечирмоқда. 2023 йил 20 октябр
    Mohammed Saber / EPA / Scanpix / LETA
    Фаластинлик аёл Ғазодаги Авлиё Порфирий черковига зарба вақтида ҳалок бўлган қариндоши жасади устида
    Abed Khaled / AP / Scanpix / LETA
    Ғазо секторидаги Хон-Юнис ўққа тутилиши оқибатида яраланган БМТ ходимлари
    Abed Zagout / Anadolu / ddp / Vida Press
    Ғазо сектори жанубий қисмидаги Хон-Юнис шаҳрида палаткали лагерда яшаётган фаластинликлар, ўтган ҳафтада Исроил сектор шимолидаги аҳолидан айнан шу жойга эвакуация бўлишни сўраганди. Исроил аввалига эвакуация учун 24 соат берганди. Ҳуқуқ фаоллари ва гуманитар ташкилотлар бундай қисқа муддатда бир миллиондан ортиқ кишини кўчириб бўлмаслигини билдиришганди — жумладан, Исроил армиясининг ҳужумлари тўхтамаётгани ва Ғазо сектори блокадаси давом этаётгани туфайли.
    Ibraheem Abu Mustafa / Reuters / Scanpix / LETA
    #Исроил #Ҳамас #Ғазо сектори

    Ғазодаги геноцид

    2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.

    Мавзуга оид

    10:32

    Исроил вазирлар маҳкамаси "Шабак" махсус хизмати раҳбарини ишдан бўшатишни маъқуллади

    08:51

    Исроил Рафаҳда жангларни қайта бошлади

    16:56 / 20.03.2025

    Ғазо секторида яна уруш. Энди Исроил уни бутунлай босиб олиши мумкин

    23:22 / 19.03.2025

    Исроил Мудофаа армияси Ғазо секторида янги ер усти операцияси бошланганини эълон қилди