Белгияда коронавируснинг янги тўлқини бошлангани хабар қилинди

Белгиянинг Sciensano жамоат соғлиқни сақлаш институти мамлакатда коронавирус пандемиясининг янги тўлқини бошланганини тасдиқлади.

Вирусолог Стефен ван Гухтнинг сўзларига кўра, касалланиш тўлқини ўтган ҳафтада бошланган.

Ўтган ҳафтада суткалик COVID-19 ҳолатлари 29 фоизга ўсиб, 2823тани ташкил этган.

Мутахассисларнинг тахминича, касалланиш ҳолатлари октябр ўрталарида энг юқори чўққига чиқади.

Францияда эса экспертлар коронавирус юқтириш ҳолатлари сони ўсгани сабабли ниқоб тақиш режимини муҳокама қила бошлаган. Бу ҳақда санитар хатарларни кузатиш қўмитаси раиси, иммунолог Брижит Отран маълум қилди.

"Барча кўрсаткичлар ўсмоқда: мусбат тестлар, шифохонага ётқизишлар сони. Яъни саккизинчи тўлқин. Ниқоб тақиш керак", - деди у.