Франциялик ихтирочи ўзи яратган қурилмада Ла-Манш устидан учиб ўтишни режалаштирмоқда 

Франциялик спортчи ва ихтирочи Фрэнки Запата келаётган пайшанба, 25 июлда ўзи яратган “флайборд” учар қурилмасида Франция ва Британияни боғлаб турувчи Ла-Манш бўғози устидан учиб ўтишни режалаштирмоқда. 

Ихтирочи 1909 йил 25 июлда авиатор Луи Блерио томонидан Ла-Манш устидан амалга оширилган илк парвознинг юз йиллигини шу тариқа нишонламоқчи. 

Режага кўра, реактив платформадаги парвоз 20 дақиқа вақт олади. Қурилма Франциянинг Кале шаҳри яқинида ҳавога кўтарилиб, Британиянинг Дуври яқинида қўнади. Запата белгиланган жойга йўлнинг ярмида қурилмасига ёнилғи қуйиб олади. Учар платформа 140 км/соат тезлик билан парвоз қилиши кутилмоқда.

14 июлда Запата Франция миллий байрами - Бастилиянинг олиниши куни шарафига ўтказилган парадда ўз қурилмасида кўргазмали парвозни амалга оширган.

“Мен парадда қурилманинг 3 фоиз имкониятидан фойдаландим ва Ла-Маншни кечиб ўтишим учун унинг 99 фоиз имконияти керак бўлади. Бу осон иш бўлмайди. Фикримча, муваффақиятга эришишга имкониятим 30 фоизни ташкил қилади”, деб айтган спортчи.