Қўшимча функционаллар
-
Тунги кўриниш
Саудия ҳукумати қўлга олинган шаҳзодаларнинг 800 млрд доллар маблағини мусодара қилади
Фото: © РИА Новости
Саудия Арабистони ҳукумати коррупцияда айбланиб, қўлга олинган шаҳзодалардан жами 800 миллиард долларлик активларни мусодара қилмоқчи. Бу ҳақда Wall Street Journal нашри хабар тарқатган.
Қайд этилишича, коррупцияга қарши кампания доирасида қирол Салмон ибн Абдулазиз фармони билан қироллик хонадони аъзоларидан ташқари, вазирлар, йирик амалдорлар ва бир қанча нуфузли бизнесменлар қўлга олинди. Айни вақтга келиб порахўрликда айбланаётганлар сони 60 нафарга етди. Улардан айримларининг банк ҳисоблари музлатилган.
Газета манбасининг қайд этишича, гумонланувчиларнинг активларининг аксар қисми мамлакат ташқарисида, шу туфайли бу активларни қайтариш қийин бўлади.
Бундан аввалроқ, қироллик хонадонининг 30 нафарга яқин аъзоси ва бошқа қўлга олинганлар 5 ноябрь куни Ар-Риёддаги беш юлдузли меҳмонхонага жойлаштирилгани маълум қилинганди. Қўлга олинганлар орасида дунёнинг энг бадавлат кишиларидан бири — бизнесмен ва Citigroup ҳаммуассиси шаҳзода ал-Волид ибн Талал ҳам бор.
Саудия Арабистонида тахт кураши
4 ноябрь куни Саудия Арабистонида 11 нафар шаҳзода ва 4 нафар юқори мартабали амалдор коррупцияда айбланиб ҳибс қилинди. Бу ҳодиса валиаҳд шаҳзода Муҳаммад ибн Салмоннинг ўз рақобатчиларидан қутулиш йўлидаги ҳаракати сифатида баҳоланмоқда.
Мавзуга оид
10:33 / 11.03.2025
Зеленский Саудия Арабистонига ташриф буюрди
16:37 / 10.03.2025
CNN: АҚШ Саудия Арабистонида нафақат Украина, балки Россия билан ҳам алоҳида музокаралар ўтказади
19:00 / 07.03.2025
Байрамлар учун ажойиб совға - бу абадий эсда қоладиган саёҳат!
21:44 / 04.03.2025