Germaniya koronavirus mutatsiyalari sababli aviaqatnovlarni to‘xtatishni o‘ylamoqda
Germaniya koronavirus mutatsiyalari tarqalishini tutib turish maqsadida aviaqatnovlarni to‘xtatish imkoniyatini ko‘rib chiqmoqda. Bu haqda Germaniya ichki ishlar vaziri Horst Zeyehofer ma'lum qildi.
"Virusning ko‘p sonli mutatsiyalari keltirib chiqarayotgan xavf bizni keskin choralar to‘g‘risida o‘ylashga majbur qilmoqda. Bu chegaralardagi qat'iy tekshiruvlarni hamda Isroil qilayotgani kabi Germaniyaga aviaqatnovlarni qariyb nolgacha qisqartirishni o‘z ichiga oladi", - dedi Zeyehofer.
O‘z navbatida, Germaniya kansleri Angela Merkel Zeyehoferdan mamlakatni mutatsiya tarqalishidan himoya qilish yo‘llarini o‘rganishni so‘ragan. Merkel shuningdek, safarlarga to‘liq taqiq qo‘yilishiga qarshi ekanligini aytish bilan birga turizmni to‘xtatishga chaqirgan.
Ma'lumotlarga ko‘ra, Germaniyada koronavirus yuqtirish bilan bog‘liq holatlar soni 2,1 milliondan oshgan, 54 mingdan ortiq kishi kasallikdan vafot etgan.
Mavzuga oid

11:26
Audi 2029 yilgacha Germaniyada 7500 ta ish o‘rnini qisqartiradi

20:52 / 15.03.2025
Germaniyada tibbiyot xodimi smenani «tinch o‘tkazish» uchun 9 kishini o‘ldirganlikda ayblandi

15:27 / 15.03.2025
Germaniyaning Ukrainaga yordami 3 milliard yevroga oshiriladi

11:18 / 14.03.2025